పవ‌న్‌క‌ల్యాణ్‌ టైటిల్ కావడంతో ‘తొలిప్రేమ’కు మంచి బజ్ వచ్చింది. దానికి తగ్గట్టు అమెరికాలో ప్రీమియర్ షోల నుంచి హిట్ టాక్ వచ్చింది. పవన్ టైటిల్ ప్లస్ హిట్ టాక్ సినిమాకి హెల్ప్ అవుతుంది అనడంలో ఎటువంటి సందేహం లేదు. అయితే… అబ్బాయ్ వ‌రుణ్‌తేజ్‌కి బాబాయ్ సినిమా టైటిల్ అంత ఈజీగా దొరకలేదు. మీడియా మొఘల్ రామోజీరావు హెల్ప్ చేశారు. ‘తొలిప్రేమ’ టైటిల్ రైట్స్ రామోజీరావుకి చెందిన ఉషాకిరణ్ మూవీస్ దగ్గర ఉన్నాయి. ఎంత న్యూ ఏజ్డ్ లవ్ స్టోరీ అయినా కథకు ‘తొలిప్రేమ’ టైటిలే కరెక్ట్ అనుకుంటున్న సమయంలో వరుణ్ టీమ్‌కి టైటిల్ రైట్స్ సంగతి తెలిసింది. నిర్మాత బి.వి.ఎస్‌.ఎన్‌. ప్రసాద్‌ ఉషాకిరణ్ మూవీస్ వాళ్ళతో మాట్లాడడంతో టైటిల్ ఇవ్వడానికి అంగీకరించారు. టైటిల్ ఇవ్వడం ద్వారా మీడియా మొఘల్ వ‌రుణ్‌తేజ్‌ ‘తొలిప్రేమ’కి హెల్ప్ చేసిన వ్యక్తి అయ్యారు.