పెళ్ల‌య్యాక భార్యా భ‌ర్త‌ల హోదాతో తొలిసారి క‌ల‌సి న‌టిస్తున్నారు స‌మంత – నాగ‌చైత‌న్య‌. నిన్ను కోరి సినిమాతో ద‌ర్శ‌కుడిగా ఆక‌ట్టుకున్న శివ నిర్వాణ ఈ చిత్రానికి ద‌ర్శ‌కుడు. దీనికి… ప్ర‌ముఖ ర‌చ‌యిత కోన వెంక‌ట్ నిర్మాత‌గా వ్య‌వ‌హ‌రిస్తార‌ని చెప్పుకున్నారు. అయితే… కోన ఈ చిత్రానికి నిర్మాత కాదు. నానితో ‘కృష్ణార్జున యుద్దం’ తెర‌కెకెక్కిస్తున్న నిర్మాత‌లే… చైతూ – స‌మంత‌ల‌తో సినిమా చేస్తున్నారు. నానికి ఉన్న క్రేజ్ దృష్ట్యా ‘కృష్ణార్జున యుద్దం’కి టేబుల్ ప్రాఫిట్ అందుకోబోతున్నారు నిర్మాత‌లు. ఆ సినిమా ఇచ్చిన న‌మ్మ‌కంతో…. శివ నిర్వాణ‌తో సినిమా ఓకే చేసేశారు. ఇది కూడా ఓ ఫీల్ గుడ్ ల‌వ్ స్టోరీనే అట‌. చైతూకి ఆల్రెడీ ఈ క‌థ న‌చ్చేసింది. స‌మంత కూడా ఓకే అంది. అయితే స‌మంత ఇప్ప‌టి వ‌ర‌కూ క‌థ విన‌లేదు. ఒక‌ట్రెండు రోజుల్లో స‌మంత‌కు ఫైన‌ల్ నేరేష‌న్ చెప్పి, అప్పుడు ఈ సినిమా గురించి అధికారిక ప్ర‌క‌ట‌న ఒక‌టి విడుద‌ల చేయాల‌ని చిత్ర‌బృందం భావిస్తోంది.