వ‌ర్మ సినిమాల్లో విష‌యం ఉన్నా, లేకున్నా…స‌న్నివేశాలు మాత్రం స‌హ‌జంగా ఉంటాయి. మ‌రీ ముఖ్యంగా యాక్ష‌న్ ఎపిసోడ్ల‌లో అత‌ని రియాలిటీ ప్రేక్ష‌కుల‌కు న‌చ్చుతుంది. క్లాసీ యాక్ష‌న్ సీన్స్‌తో మాస్‌ని కూడా ఆకట్టుకుంటాడు వ‌ర్మ‌. ఇప్పుడు నాగార్జున‌తో తెర‌కెక్కిస్తున్న చిత్రంలోనూ.. యాక్ష‌న్ సీన్ల‌పై ప్ర‌త్యేక‌మైన దృష్టి పెట్టాడు వ‌ర్మ‌. అయితే… అదే నాగార్జున‌ని కాస్త ఇబ్బంది పెడుతున్న‌ట్టు స‌మాచారం. ప్ర‌స్తుతం ఈ సినిమా షూటింగ్ ముంబైలో జ‌రుగుతోంది. అక్క‌డ నాగార్జున‌పై కొన్ని యాక్ష‌న్ సీన్లు తెర‌కెక్కిస్తున్నారు. నాజ‌ర్‌, అజ‌య్‌లు కూడా షూటింగ్ స్పాట్ లో ఉన్నారు. ఇందులో కొన్ని ఛేజింగ్ మూమెంట్లు ఉన్నాయి. సందుల వెంట‌.. గొందుల వెంట‌.. నాగార్జున‌ని ప‌రిగెట్టిస్తున్నాడు వ‌ర్మ‌. అయితే.. ఇలా ప‌రుగులు పెడుతూ.. యాక్ష‌న్ చేయ‌డం నాగ్‌కి ఈమ‌ధ్య‌కాలంలో ఇదే తొలిసారి. ఇలాంటి స్ట్రీట్ ఛేజింగుల వ‌ర‌కూ డూప్‌ని పెట్టి స‌ర్దుకో… అని నాగ్ చెబుతున్నా, వ‌ర్మ విన‌డం లేద‌ట‌. పైగా… సెట్లో ఇంత శ్ర‌మించి చాలా కాల‌మైంది. కానీ.. ద‌ర్శ‌కుడు చెప్పింది చేయాలి క‌దా, అందునా అక్క‌డున్న‌ది వ‌ర్మ‌. అందుకే..నాగ్ సైలెంట్‌గా కాంప్ర‌మైజ్ అయిపోతున్నాడ‌ట‌.