సూపర్ స్టార్ మహేష్ బాబు శ్రీకాంత్ అడ్డాల దర్శకత్వంలో చేస్తున్న సినిమా బ్రహ్మోత్సవం. సమంత, కాజల్, ప్రణీత కథానాయికలుగా నటిస్తున్న ఈ సినిమా ఇప్పటికి దాదాపు 70 శాతం సినిమా కంప్లీట్ చేసుకుంది. మొన్నటిదాకా చెన్నైలో ఇండస్ట్రియల్ ఏరియాలో చిత్రీకరణ జరుపుకున్న బ్రహ్మోత్సవం ఈ నెల 19 నుండి అంటే రేపటి మరళ హైదరాబాద్ లో చిత్రీకరణ జరుపుకోనుంది.
ఈ షెడ్యూల్ లో మహేష్, సమంతల మీద కీలక సన్నివేశాలు చిత్రీకరించబడుతుందని సమాచారం. భారీ తారాగణంతో వస్తున్న ఈ సినిమా కుటుంబమంతా చూడదగ్గ సినిమాగా రూపొందిస్తున్నాడు దర్శకుడు శ్రీకాంత్ అడ్డాల. ఇటీవల శ్రీమంతుడు హిట్ తో పరిశ్రమలో రెండవ పెద్ద హిట్ సాధించిన మహేష్ మరోసారి అలాంటి హిట్ కోసం ప్రయత్నిస్తున్నాడు.
పివిపి బ్యానర్లో పరం వి పొట్లూరి నిర్మిస్తున్న ఈ సినిమా ఏప్రిల్ లో ప్రేక్షకుల ముందుకు తెచ్చే ప్రయత్నాలు చేస్తున్నారు దర్శక నిర్మాతలు. తెలుగు తమిళ భాషల్లో ఒకేసారి విడుదలవుతున్న ఈ సినిమా వేసవి సెలవుల్లో ప్రేక్షకుల సరదాలను తీరుస్తుందనడంలో సందేహం లేదు అనిపిస్తుంది.
