ర‌వితేజ క‌థానాయ‌కుడిగా తెర‌కెక్కుతున్న చిత్రం ‘నేల టికెట్’. సోగ్గాడే చిన్ని నాయ‌న‌, రారండోయ్ వేడుక చూద్దాం చిత్రాలతో హిట్లు తెచ్చుకున్న క‌ల్యాణ్ కృష్ణ ద‌ర్శ‌కుడు. రామ్ అట్లూరి నిర్మాత‌. చిత్రీక‌ర‌ణ జ‌రుపుకుంటున్న ఈ సినిమాకి అప్పుడే శాటిలైట్‌, డిజిట‌ర్ రైట్లు, హిందీ రైట్లు అమ్ముడుపోయాయి. ఈ మూడింటికీ క‌లిపి దాదాపుగా రూ.25 కోట్లు వ‌చ్చాయ‌ని స‌మాచారం. ఈమ‌ధ్య తెలుగు సినిమాల‌కు హిందీ నుంచి మంచి రేట్లే ద‌క్కుతున్నాయి. మాస్ చిత్రాలు,యాక్ష‌న్ క‌థ‌ల‌కు అక్క‌డ ప‌ట్టం క‌డుతున్నారు. అందుకే… ర‌వితేజ లాంటి హీరోల చిత్రాల‌కు అక్క‌డ క‌న‌క‌వ‌ర్షం కురుస్తోంది. విడుద‌ల‌కు ముందే రూ.25 కోట్లు కేవ‌లం హ‌క్కుల రూపంలో అందుకోవ‌డంతో… ఈసినిమా దాదాపుగా సేఫ్ జోన్‌లో ప‌డిపోయినట్టే. క‌ల్యాణ్ కృష్ణ‌పై న‌మ్మ‌కాలు ఉన్నాయి కాబ‌ట్టి… ఏరియాల ప‌రంగానూ మంచి రేట్లు ద‌క్కే అవ‌కాశం ఉంది.