మనం దర్శకుడు విక్రం దర్శకత్వంలో విలక్షణ నటుడు సూర్య నటిస్తున్న సినిమా ’24’. ఎంతో ప్రతిష్టాత్మకంగా రూపొందించబడుతున్న ఈ సినిమా సూర్య తన సొంత బ్యానర్ 2డి ఎంటర్ టైన్మెంట్ లో నిర్మించడం జరుగుతుంది. అయితే ఈ సినిమా సంగీత దర్శకుడు రెహమాన్, హీరోయిన్ సమంతలకు ఈ సినిమా చాలా ప్రత్యేకం కానుంది. అదేలాగా అంటే తన సంగీతంతో భారత సిని ప్రపంచాన్ని ఉర్రూతలూగించిన రెహమాన్ కెరియర్ ప్రారంభించి సరిగ్గా 24 సంవత్సరాలు అవుతుందట. తన కెరియర్ 24వ ఏట 24 అనే సినిమాకు పనిచేయడం విశేషం.
ఇక ఏమాయ చేసావె సినిమాతో టాలీవుడ్ ఎంట్రీ ఇచ్చి స్టార్ హీరోయిన్ గా సూపర్ క్రేజ్ సంపాధించిన సమంత 24 సినిమాలో కథానాయికగా నటిస్తుంది. అయితే ఈ అమ్మడికి ఈ సినిమా ఎలా సెంటిమెంట్ గా మారిందంటే సమంత చేస్తున్న 24వ సినిమా ’24’ కావడం విశేషం. అంటే తను కేవలం హీరోయిన్ గా నటించిన సినిమాల్లో ఇది 24వది అన్నమాట. సో అలాగ సమంత, రెహమాన్ ఈ సినిమాకు తమ సెంటిమెంట్ అని ఫీల్ అయ్యేలా చేసింది.
సూర్య మూడు విభిన్న పాత్రల్లో నటిస్తున్న ఈ సినిమా టైం మిషన్ తో కూడుకున్న కథతో వస్తుంది. అంతేకాదు ఈ సినిమా టైటిల్ అదేనండి ’24’ అంటే 24 గంటలు అని అర్ధమని అంటున్నారు. మరి భారీ అంచనాలతో వస్తున్న ఈ ప్రాజెక్ట్ ఎలాంటి సక్సెస్ ను సాధిస్తుందో చూడాలి.
