టాలీవుడ్‌లో దిల్ రాజుని ‘మిస్టర్ ప‌ర్‌ఫెక్ట్‌’ అంటుంటారు మిగతా నిర్మాతలు. ప‌ర్‌ఫెక్ట్‌ ప్లానింగ్‌తో సినిమా షూటింగ్ కంప్లీట్ చేయడంలో రాజుగారు ఎక్స్‌ప‌ర్ట్‌! రామ్ హీరోగా నక్కిన త్రినాధరావు దర్శకత్వంలో ఆయన నిర్మిస్తున్న సినిమా షూటింగ్ కోసం ప‌ర్‌ఫెక్ట్‌ ప్లాన్ రెడీ చేశారు. మార్చ్ 8న హైదరాబాద్‌లో ఈ సినిమా షూటింగ్ స్టార్ట్ చేస్తున్నారు. ఆల్మోస్ట్ టాకీ పార్ట్ షూటింగ్ అంతా సిటీలో చేసేలా ప్లాన్ చేశారు. మధ్య మధ్యలో స్మాల్ స్మాల్ బ్రేక్స్ ఇచ్చి మూడు షెడ్యూల్స్‌లో హైదరాబాద్‌లో టాకీ కంప్లీట్ చేస్తారు. సాంగ్స్ కోసం సమ్మర్‌లో ఫారిన్ ట్రిప్ వేయాలని ప్లాన్ చేస్తున్నారు. సమ్మర్ ఎండింగ్ కల్లా షూటింగ్ అంతా పూర్తి చేయాలని స్కెచ్ రెడీ చేశారు. ‘ఉన్నది ఒకటే జిందగీ’ తర్వాత రామ్ హీరోగా నటిస్తున్న ఈ సినిమాలో, అందులోని హీరోయిన్ అనుపమా పరమేశ్వరన్ మరోసారి రామ్ సరసన నటిస్తుంది. మ్యూజిక్ డైరెక్టర్ దేవిశ్రీని కూడా రామ్ రిపీట్ చేస్తున్నాడు. ఇటు డైరెక్టర్ త్రినాధరావు, ప్రొడ్యూసర్ దిల్ రాజు సైడ్ నుంచి చూస్తే హీరో హీరోయిన్లు తప్ప మిగతా టీమ్ అంతా ‘నేను లోకల్’కి వర్క్ చేసిన టీమే.