కింగ్ నాగార్జున, కార్తి కలిసి నటిస్తున్న సినిమా ఊపిరి. వంశీ పైడిపల్లి దర్శకత్వం వహిస్తున్న ఈ సినిమా చిత్రీకరణ ముగింపు దశకు చేరుకుంది. హాలీవుడ్ ‘ఇన్ టచబుల్స్’ సినిమాకు అఫిషియల్ రీమేక్ గా వస్తున్న ఈ సినిమాలో నాగ్, కార్తిలు ప్రాణ స్నేహితులుగా నటిస్తున్నారు. సినిమా మొత్తం నాగార్జున పక్షపాతం కలిగిన వ్యక్తిగా వీల్ చైర్ లోనే కనిపించబోతున్నాడు.

పివిపి బ్యానర్లో అత్యంత ప్రతిష్టాత్మకంగా తెలుగు తమిళ భాషల్లో తెరెకెక్కిస్తున్న ఈ సినిమాలో తమన్నా కథానాయికగా నటిస్తుంది. ఓ ప్రత్యేక పాత్రలో అనుష్క, అడవి శేష్ కూడా తెర మీద కనిపించి అలరిస్తారట. శరవేగంగా షూటింగ్ జరుపుకుంటున్న ఊపిరి సినిమా మార్చ్ 25న విడుదల చేసేలా ప్లాన్ చేస్తున్నారు దర్శక నిర్మాతలు.

ఊపిరి అంటూ వదిలిన పోస్టర్స్ తోనే సినిమాలో విషయం ఉంది అనేంతలా ఆలోచనని కల్పించిన దర్శకుడు వంశీ పైడిపల్లి ఈ సినిమాతో పివిపి బ్యానర్ కు మొదటి బ్లాక్ బస్టర్ హిట్ ఇస్తాడనడంలో సందేహం లేదనిపిస్తుంది. గోపి సుందర్ సంగీతం అందించిన ఈ సినిమా ఆడియో ఫిబ్రవరి నెలలో విడుదల చేయనున్నారు. ప్రస్తుతం ట్రెండ్ సెట్ చేస్తున్న మల్టీస్టారర్ హవాను ఈ సినిమా హిట్ కొట్టి కన్ టిన్యూ చేయాలని కోరుకుంటున్నారు సిని ప్రియులు.