గుంటూరు జిల్లా కాజా లో ఇవాళ ఉదయం పవన్ కళ్యాణ్ కొత్త ఇంటి నిర్మాణానికి భూమిపూజ చేసారు. దాదాపు 2 ఎకరలా స్థలం లో నిర్మించనున్న ఈ ఇంటి శంకుస్థాపన కార్యక్రమాలు ఉదయం జరిగాయి.
మార్చి 14న ప్లీనరీ నిర్వహించనున్న పవన్ కళ్యాణ్ దానికి 2 రోజుల ముందు ఇవాళ గుంటూరు జిల్లా కాజా లో ఇంటి నిర్మాణ పనులు మొదలెట్టారు. భార్య ఆనా తో సహా పూజ లో పాల్గొన్నారు పవన్ కళ్యాణ్. ఇద్దరూ సంప్రదాయ దుస్తుల్లో భూమి పూజ కి వచ్చారు. ఎపి కేంద్రంగా పూర్తి స్థాయి రాజకీయాలు చేయనున్న దరిమిలా, హైదరాబాదు నుంచి అన్నీ సమీక్షించడం కష్టం కాబట్టి ఇల్లు కూడా ఎపి లో ఉండాలనే ఉద్దేశ్యం తో ఈ ఇల్లు కట్టిస్తున్నట్టు తెలుస్తోంది.
సమాచారం తెలుసుకున్న పవన్ కళ్యాణ్ అభిమానులు, జనసేన కార్యకర్తలు తండోపతండాలు గా పవన్ కళ్యాణ్ ని చూడటానికి వచ్చారు.
