ఎంతటి సూపర్ స్టార్ అయినా ఓ ఫ్లాప్ అతన్ని అధః పాతాలానికి తొక్కేస్తుంది అంటే దానికి మంచి ఉదాహరణ సౌత్ ఇండియన్ సూపర్ స్టార్ రజిని కాంత్ అని చెప్పాలేమో.. సౌత్ లో రజిని క్రేజ్ గురించి ప్రత్యేకంగా చెప్పాల్సిన పనిలేదు. అలాంటిది కొచ్చాడియన్, లింగా అపజాయాలు రజినికి తలనొప్పులు తెచ్చిపెట్టాయి. సినిమా విజయం సాధించిందా లేక అపజయ పాలైందా అనేది పక్కన పెడితే రజిని సినిమా కూడా గొడవల మూకలతో విడుదలయ్యే పరిస్థితి వచ్చింది.
అందుకే ప్రస్తుతం తీస్తున్న కబాలి.. తీయబోయే రోబో 2.0 విషయంలో తగిన జాగ్రత్తలు తీసుకుంటున్నాడు. పా రంజిత్ దర్శకత్వంలో వస్తున్న రజిని కబాలి ఫస్ట్ లుక్ పోస్టర్ నుండి అదరగొడుతుంది. భారీ అంచనాలతో వస్తున్న ఈ సినిమాలో మరోసారి రజిని డాన్ క్యారక్టర్ చేస్తున్నాడు. మొన్నటిదాకా మలేషియాలో చిత్రీకరణ జరుపుకున్న ఈ సినిమా ఇప్పుడు చెన్నైకు షిఫ్ట్ అయ్యింది. తెలుగు, తమిళ భాషల్లో ఒకేసారి విడుదల చేయబోతున్న ఈ సినిమా తమిళ టైటిల్ కబాలి కాగా తెలుగు టైటిల్ మహాదేవగా ప్రచారం చేశారు.
కాని ఇటీవలే తెలుగు టైటిల్ తో కూడిన పోస్టర్ విడుదల చేశారు చిత్రయూనిట్. అయితే అందరు అనుకున్నట్టుగా మహదేవగా కాకుండా తెలుగులో కూడా కబాలిగా వచ్చేస్తున్నాడు రజినికాంత్. శరవేగంగా షూటింగ్ జరుపుకుంటున్న ఈ సినిమా ఏప్రిల్ లో విడుదల చేసేందుకు సన్నాహాలు చేస్తున్నారు. ప్రస్తుతం చివరి షెడ్యూల్ జరుపుకుంటున్న ఈ సినిమా తర్వాత రజిని శంకర్ రోబో 2.0 షూటింగ్ లో పాల్గొననున్నాడు.
