ఇటీవల మెగాస్టార్ చిరంజీవి పిక్ ఒకటి సోషల్ నెట్వర్కింగ్ సైట్స్ లో హడావిడి చేస్తుంది. మీసపు కట్టుతో అదరిపోయేలా ఉన్న చిరు లుక్ నెటిజెన్స్ ని ఆకట్టుకుంటుంది. అయితే ప్రస్తుతం చిరు చేయబోయే కత్తి సినిమాలో లుక్ ఇది అని కొందరు అంటుంటే అది కత్తి సినిమాలోది కాదు అని అనుకుంటున్నారు కొందరు. అంతేకాదు ఈ విషయం మీద ఓ రేంజ్ డిస్కషన్ కూడా జరుగుంది.

వినాయక్ దర్శకత్వంలో కత్తి రీమేక్ చేసున్న న్యూస్ బయటకు వచ్చినా ఇక ఆ సినిమా గురించి ఎలాంటి అప్డేట్ బయటకు రాలేదు. అయితే మొన్న వినాయక్ ఏదో ఓ ఫంక్షన్ కు అటెండ్ అయ్యి అక్కడ చిరు సినిమా మార్చ్ 25న మొదలవుతుంది అని చెప్పేశాడు. ఓ విధంగా మెగా అభిమానులు ఆ న్యూస్ తో ఆనందించినా మళ్లీ అప్పుడైనా ముహుర్తం కుదిరుతుందా లేదా అన్నది డౌట్ అనేస్తున్నారు. ఇక ఇప్పుడు కత్తి లుక్ అంటూ చిరు పిక్ వచ్చిన విధానం చూస్తుంటే నిజంగానే సినిమా స్టార్ట్ అవ్వబోతుంది అన్నట్టే ఉంది.

విజయ్ కత్తి సినిమాలో డ్యుయల్ రోల్ చేశాడు. అందులో ఒకటి దొంగ కాగా, మరోటి సోషల్ రెస్పాన్సిబిలిటీ ఉన్న పాత్ర.. అయితే దీనిలో ఏ పాత్రకు ఆ మీసపుకట్టుతో కనిపించే అవకాశం లేదు. మరి చిరు సరదాగా పెంచుకున్నాడా లేక సినిమ కోసమే పెంచాడో తెలియదు కాని కత్తి కోసమే ఇలా రెడీ అయ్యాడు అని అందరు అనుకునేలా చేసి మరోసారి ట్రెండ్ ని క్రియేట్ చేశాడు మెగాస్టార్.