‘బాహుబ‌లి’ వ‌ల్ల ప్ర‌పంచ వ్యాప్తంగా పాపుల‌ర్ అయిపోయాడు రాజ‌మౌళి. వివిధ దేశాల్లో జ‌రిగే ఫిల్మ్‌ఫెస్టివ‌ల్స్‌లో బాహుబ‌లి ప్ర‌ద‌ర్శ‌న‌కు నోచుకుంటోంది. ఇప్పుడు పాకిస్థాన్‌లోని క‌రాచీలో జ‌రుగుతున్న ఫిల్మ్ ఫెస్టివ‌ల్‌లోనూ బాహుబ‌లిని ప్ర‌ద‌ర్శించ‌బోతున్నారు. ఇందుకుగానూ.. పాక్ నుంచి రాజ‌మౌళికి ఆహ్వానం కూడా అందింది. ”ప్ర‌పంచంలో వివిధ దేశాల్ని సంద‌ర్శించ‌డానికి బాహుబ‌లి నాకు అవ‌కాశం ఇచ్చింది. ఇప్పుడు పాకిస్థాన్ లోని క‌రాచీలో జ‌రుగుతున్న ఫిల్మ్‌ఫెస్టివల్‌కి హాజ‌ర‌వ్వ‌మ‌ని ఆహ్వానం అందింది” అంటూ ట్వీట్ చేశాడు జ‌క్కన్న‌. రాజ‌మౌళితో పాటు ప్ర‌భాస్ కూడా ఈ ఫిల్మ్‌ఫెస్టివ‌ల్‌కి వెళ్లే అవ‌కాశం ఉంది. ప్ర‌స్తుతం రాజ‌మౌళి ‘ఆర్‌.ఆర్‌.ఆర్‌’ ప‌నుల్లో బిజీగా ఉన్నాడు. ఈ సినిమాకి సంబంధించిన క‌థ‌పై క‌స‌ర‌త్తులు జ‌రుగుతున్నాయి. ఇందులో రాజ‌శేఖ‌ర్ ప్ర‌తినాయ‌కుడిగా క‌నిపించ‌నున్నాడ‌ని గ‌ట్టిగా ప్ర‌చారం జ‌రుగుతోంది. వీటిపై రాజ‌మౌళి స్పందించాల్సివుంది.