‘ఛ‌లో’ సినిమాతో ఆక‌ట్టుకున్నాడు వెంకీ కుడుముల‌. 2018లో వ‌చ్చిన సూప‌ర్ హిట్ల‌లో ‘ఛలో’ కూడా ఒక‌టిగా నిలిచింది. ఈ సినిమాతో పెద్ద హీరోల దృష్టిలోనూ ప‌డ్డాడు ఈ కొత్త ద‌ర్శ‌కుడు. ఇప్పుడు నితిన్ నుంచి పిలుపొచ్చింది. త్వ‌ర‌లోనే నితిన్ క‌థానాయ‌కుడిగా వెంకీ కుడుముల ద‌ర్శ‌క‌త్వంలో ఓ చిత్రం తెర‌కెక్క‌బోతోంది. దీనిపై నితిన్ కూడా ఓ క్లారిటీ ఇచ్చాడు. వెంకీ ఓ క‌థ చెప్పాడ‌ని, అది త‌న‌కు న‌చ్చింద‌ని, త్వ‌ర‌లోనే ఈ చిత్రాన్ని ప‌ట్టాలెక్కిస్తామ‌ని నితిన్ అంటున్నాడు. దాదాపుగా ఈసినిమా సొంత బ్యాన‌ర్‌లోనే ఉండొచ్చు. ఇది కూడా వినోదాత్మ‌కంగా న‌డిచే ప్రేమ‌క‌థే. ప్ర‌స్తుతం నితిన్ ఛ‌ల్ మోహ‌న రంగ సినిమాతో బిజీగా ఉన్నాడు. ఏప్రిల్ 5న విడుద‌ల అవుతోంది. హ‌రీష్ శంక‌ర్ ద‌ర్శ‌క‌త్వం వ‌హిస్తున్న దాగుడుమూత‌లులోనూ నితిన్ న‌టిస్తున్న సంగ‌తి తెలిసిందే.