రామ్‌చ‌ర‌ణ్ – బోయ‌పాటి కాంబినేష‌న్‌లో ఓ సినిమా రూపుదిద్దుకుంటున్న సంగ‌తి తెలిసిందే. రంగ‌స్థ‌లంతో సూప‌ర్ ఫామ్ లోకి వ‌చ్చిన చ‌ర‌ణ్‌.. బోయ‌పాటి సినిమా కోసం స‌న్న‌ద్ధం అవుతున్నాడు. కొత్త‌గా కండ‌లు పెంచి మ‌రీ సెట్లో అడుగుపెట్ట‌బోతున్నాడు. ఈలోగాఈ సినిమాకి సంబంధించిన ఓ వార్త బ‌య‌ట‌కు వ‌చ్చింది. ఈ సినిమాకి ‘రాజ‌వంశ‌స్థుడు’ అనే పేరు ఖ‌రారు చేశార‌న్న‌ది ఈ వార్త సారాంశం. ఇందులో చ‌ర‌ణ్ రాజ‌వంశ‌స్థుడిగా క‌నిపిస్తున్నాడ‌ని, అందుకే ఆ పేరు పెట్టార‌ని చెప్పుకుంటున్నారు. దీనిపై ఆరా తీస్తే.. అస‌లు ఆ టైటిల్‌కీ సినిమాకీ సంబంధం లేద‌ని తెలుస్తోంది. బోయ‌పాటిది మాస్ శైలి. ఆయ‌న టైటిళ్లు కూడా అలానే ఉంటాయి. ‘స‌రైనోడు’లా.. మాస్‌లో దూసుకుపోయే టైటిల్ కోసం బోయ‌పాటి అన్వేషిస్తున్నాడు. రాజ‌వంశ‌స్థుడు అనే టైటిల్ అస‌లు ఆయ‌న మైండ్‌లోనే లేద‌ట‌. మ‌రి ఈ టైటిల్ ఎవ‌రు పుట్టించారో, ఎందుకు బ‌య‌ట‌కు వ‌చ్చిందో..??