‘సోగ్గాడే చిన్ని నాయనా’తో సంక్రాంతి హిట్‌ కొట్టిన కింగ్‌ నాగార్జున నెక్స్‌ట్‌ మూవీ ‘ఊపిరి’ అతని కెరీర్‌లో మరో డిఫరెంట్‌ మూవీ అవ్వబోతోంది. ది ఇన్‌టచ్‌బుల్స్‌ అనే ఫ్రెంచ్‌ మూవీకి రీమేక్‌గా రూపొందుతున్న ఈ చిత్రంలో నాగార్జున తన ఇమేజ్‌ని పక్కన పెట్టి వీల్‌చైర్‌కే పరిమితమయ్యే ఒక డిఫరెంట్‌ క్యారెక్టర్‌లో నటిస్తున్నాడు. ఈ చిత్రం కార్తీ కూడా హీరోగా నటిస్తున్న విషయం తెలిసిందే. వంశీ పైడిపల్లి దర్శకత్వంలో తెలుగు, తమిళ భాషల్లో రూపొందుతున్న ఈ చిత్రంలో కార్తీ సరసన తమన్నా హీరోయిన్‌గా నటిస్తుండగా, అనుష్క, అడవి శేష్‌, నోరా ఫతేహి, మోడల్‌ గాబ్రియల్‌ అతిథి పాత్రల్లో నటిస్తుండగా ‘సంతోషం’ చిత్రంలో హీరోయిన్‌గా నటించిన శ్రీయ ఈ చిత్రంలో మరో అతిథి పాత్రలో కనిపించబోతోంది. ‘ఊపిరి’లో నాగార్జున చేస్తున్న క్యారెక్టర్‌కి ఒరిజినల్‌ వెర్షన్‌లో హీరోయిన్ లేదు. కానీ, మన హీరోలకు హీరోయిన్ అవసరం కాబట్టి ఈ చిత్రంలో హీరోయిన్ క్యారెక్టర్‌ను యాడ్‌ చేశారు. ఈ చిత్రంలో హీరోయిన్‌గా నటించడం తనకెంతో సంతోషాన్ని కలిగిస్తోందని శ్రీయ చెప్తోంది. పివిపి సినిమా పతాకంపై ప్రసాద్‌ వి.పొట్లూరి నిర్మిస్తున్న ఈ చిత్రం సమ్మర్‌ స్పెషల్‌గా మార్చి 25న విడుదల కాబోతోంది.
‘ఊపిరి’ చిత్రంలో నటించడం ‘సంతోషం’గా వుందంటున్న హీరోయిన్!
