మ‌హేష్‌బాబు ఆనందానికి అవ‌ధుల్లేవు. రెండు ఫ్లాపుల త‌ర‌వాత.. ‘భ‌ర‌త్ అనే నేను’తో హిట్టుకొట్టిన ఆనందంతో మహేష్ బాబు మొహం కోటి కాంతులీనుతోంది. ఈ సినిమాపై ముందు నుంచీ మహేష్ గ‌ట్టి న‌మ్మ‌కంతో ఉన్నాడు. అందుకే సినిమా పూర్త‌యిన వెంట‌నే.. త‌న టీమ్‌కి ఖ‌రీదైన సెల్‌ఫోన్‌ని బ‌హుమానాలుగా ఇచ్చాడు. మ‌రి కొర‌టాల శివ‌కు ఏమివ్వ‌బోతున్నాడు? అనే ఆస‌క్తి నెల‌కొంది. శ్రీ‌మంతుడు స‌మ‌యంలో కొర‌టాల‌కు ఖ‌రీదైన కారు మ‌హుమ‌తిగా ఇచ్చాడు మహేష్. ఈసారి శ్రీ‌మంతుడు కంటే పెద్ద హిట్ ఇచ్చాడు కొర‌టాల. బ‌హుమ‌తి కూడా ఖ‌రీదుగానే ఉండ‌బోతోంద‌ని అంతా ఆశించారు. కానీ మహేష్ ట్విట్ట‌ర్ లో కొర‌టాల‌ను ఫాలో అయి.. ఈ ద‌ర్శ‌కుడిపై త‌న గౌర‌వాన్ని చూపించుకున్నాడు. కొర‌టాల‌కు ఈసారి గిఫ్ట్ అదేనేమో అనుకున్నారంతా. కానీ.. మహేష్ ఇప్ప‌టికే కొర‌టాల‌కు ఓ ఖ‌రీదైన బ‌హుమ‌తి ఇచ్చేశాడ‌ట. అయితే.. ఈ విష‌యం మీడియాకు తెలియ‌కుండా జాగ్ర‌త్త‌ప‌డ్డాడ‌ని తెలుస్తోంది. మ‌రి ఆ ఖ‌రీదైన బ‌హుమ‌తి ఏమిటో, ఎందుకు ర‌హ‌స్యంగా ఉంచాల‌నుకున్నాడో మహేష్ కే తెలియాలి.
ఈసారి మహేష్ ర‌హ‌స్యంగా ఇచ్చాడా?
