వైజ‌యంతీ మూవీస్ అత్యంత ప్ర‌తిష్టాత్మ‌కంగా తెర‌కెక్కిస్తున్న చిత్రం `మ‌హాన‌టి`. సావిత్రి జీవిత క‌థ ఆధారంగా రూపొందించిన చిత్ర‌మిది. సినిమా నిండా స్టార్లే. స‌మంత, కీర్తి సురేష్‌, మోహ‌న్‌బాబు, దుల్క‌ర్ స‌ల్మాన్‌, నాగ‌చైత‌న్య, విజ‌య్ దేవ‌ర‌కొండ ఇలా పేరెన్న‌ద‌గిన‌వాళ్లంతా క‌నిపిస్తున్నారు. రేపు (మంగ‌ళ‌వారం) హైద‌రాబాద్‌లోని అన్న‌పూర్ణ స్టూడియోలో మ‌హాన‌టి ఆడియో ఫంక్ష‌న్ జ‌ర‌గ‌బోతోంది. ఈమ‌ధ్య ఆడియో ఫంక్ష‌న్లు వైభ‌వంగా జ‌రుగుతున్నాయి. స్టార్ హంగామా ఎక్కువ‌గా క‌నిపిస్తోంది. స్టేజీపై బ‌డా బ‌డా హీరోలు జ‌ట్టులు క‌ట్టి.. అభిమానుల్ని అల‌రిస్తున్నారు. `మ‌హాన‌టి` కోసం కూడా స్టార్ల‌ని ప‌ట్టుకురావాల‌ని అశ్వ‌నీద‌త్ విశ్వ ప్ర‌య‌త్నాలు చేస్తున్నారు. ఎన్టీఆర్‌ని సంప్ర‌దిస్తే.. `వ‌స్తా` అని మాటిచ్చిన‌ట్టు తెలిసింది. అయితే చివ‌రి నిమిషంలో `రాలేనేమో` అని అనుమానం వ్య‌క్తం చేసిన‌ట్టు తెలుస్తోంది. దాంతో.. ఈ కార్య‌క్ర‌మానికి గెస్టులెవ‌రూ లేకుండా పోయారు. అయితేనేం.. స‌మంత, కీర్తి, మోహ‌న్‌బాబు, నాగ‌చైత‌న్య వీళ్లంతా ఉన్నారుగా. చైతూ – స‌మంత‌లిద్ద‌రూ వ‌స్తే ఈ కార్య‌క్ర‌మానికి క‌ళే వేరుగా ఉంటుంది. ప్రీ రిలీజ్ ఫంక్ష‌న్‌లాంటిది ఏర్పాటు చేసిన‌ప్పుడైనా ఆ కార్య‌క్ర‌మానికి ఎన్టీఆర్‌ని తీసుకురావాల‌ని అశ్వ‌నీద‌త్ భావిస్తున్న‌ట్టు తెలుస్తోంది. సో.. రేప‌టి ఆడియో ఫంక్ష‌న్‌కి టీమ్ స‌భ్యులే గెస్టుల‌న్న‌మాట.
‘మ‌హాన‌టి’కి గెస్టులు లేరా?
