‘అర్జున్‌రెడ్డి’ అలియాస్ విజయ్ దేవరకొండకి యూత్ ఆడియన్స్‌లో ఫాలోయింగ్ బావుంది. దీంతో అగ్ర నిర్మాణ సంస్థలు అతడితో సినిమాలు చేయడానికి ఇంట్రెస్ట్ చూపిస్తున్నాయి. అందులో గీతా ఆర్ట్స్ ముందుంది. మెగా ప్రొడ్యూసర్ అల్లు అరవింద్ హీరో క్రేజ్ అంచనా వేసి అతడితో రెండు సినిమాలు చేసేలా డీల్ మాట్లాడారు. ఫస్ట్ సినిమా ‘టాక్సీవాలా’ టీజర్ రిలీజ్ చేశారు. సెకండ్ సినిమా ‘గీత గోవిందం’ సెట్స్ మీదుంది. గీతా ఆర్ట్స్ తరవాత అశ్వినీదత్ డాటర్స్ విజయ్‌ దేవరకొండతో రెండు సినిమాలు చేసేలా డీల్ సెట్ చేసుకున్నారని టాక్. అసలు, అతడి పేస్ ప్రేక్షకుల్లో రిజిస్టర్ అయ్యేలా క్యారెక్టర్ ఇచ్చింది దత్ ఫ్యామిలీయే. నాగఅశ్విన్ దర్శకత్వంలో దత్ డాటర్స్ నిర్మించిన ‘ఎవడే సుబ్రహ్మణ్యం’లో రిషి క్యారెక్టర్‌తో విజయ్ దేవరకొండకు గుర్తింపు లభించింది. తరవాత ‘పెళ్లి చూపులు’, ‘అర్జున్‌రెడ్డి’లతో క్రేజ్ వచ్చింది. హీరోగా ఎంత పేరు వచ్చినా ముందు తనకు రిషి క్యారెక్టర్ ఇచ్చిన నాగఅశ్విన్‌, స్వప్న సినిమాస్ సంస్థపై కృతజ్ఞతతో ‘మహానటి’లో క్యారెక్టర్ చేశాడు విజయ్ దేవరకొండ. ఇప్పుడు దత్ ఫ్యామిలీ నిర్మించే రెండు సినిమాల్లో నటించేందుకు సుముఖత వ్యక్తం చేశాడట.

వైజయంతీ మూవీస్‌ పతాకంపై విజయ్‌ దేవరకొండ హీరోగా నందినిరెడ్డి దర్శకత్వంలో ఓ సినిమా నిర్మించడానికి సన్నాహాలు జరుగుతున్నాయి. అలాగే, రాజు డి.కె. దర్శకత్వంలో విజయ్ దేవరకొండ హీరోగా మరో సినిమా తెరకెక్కించానున్నారు. ఈ రెండు సినిమాలు ఎప్పుడు సెట్స్ మీదకు వెళతాయి, ఎప్పుడు విడుదల అవుతాయనే విషయాలు త్వరలో తెలుస్తాయి. ప్రస్తుతం విజయ్ తెలుగు, తమిళ సీఎంగా ‘నోటా’ చేస్తున్నాడు. అది పూర్తయ్యాక ఈ రెండిటిలో ఏదో ఒకటి సెట్స్ మీదకు వెళ్లే ఛాన్స్ వుంది.