సీతదేవి లేని రామాయణాన్ని ఊహించుకోలేం. అదే విధంగా ద్రౌపది లేని మహాభారతాన్ని కూడా! ప్రతి కథలోనూ కథానాయకుడితో పాటు కథానాయిక కంపల్సరీ. సినిమాల్లోనూ అంతే. కొన్ని సినిమాల్లో కథానాయిక పాత్రకు పెద్దగా ప్రాముఖ్యత ఉండటం లేదు. ‘సాహో’లో మాత్రం హీరో ప్రభాస్ తో పాటు హీరోయిన్ శ్రద్ధా కపూర్ కి కూడా ఈక్వల్ ఇంపార్టెన్స్ వుంటుందట. యాక్షన్ థ్రిల్లర్ మూవీగా రూపొందుతోన్న ఈ సినిమాలో శ్రద్ధా పాత్ర ఎలా వుంటుందో తెలియదు గానీ… ఆమె కూడా యాక్షన్ సన్నివేశాల్లో ఇరగదీస్తుందని సమాచారం. ప్రస్తుతం ఈ సినిమా షూటింగ్ అబుదాబిలో జరుగుతోన్న సంగతి తెలిసిందే. ఈ రోజు శ్రద్ధా కపూర్ షూటింగులో జాయిన్ అయ్యారు. ఆల్మోస్ట్ ఇంకో నెల రోజుల పాటు అబుదాబిలో ‘సాహో’ షూటింగ్ చేయనున్నారు. శ్రద్ధాతో పాటు విలన్లుగా నటిస్తున్న నీల్ నితిన్ ముఖేష్, అరుణ్ విజయ్ తదితరులు ఈ షెడ్యూల్ లో పాల్గొననున్నారు. ఈ ఒక్క షెడ్యూల్ కోసమే సుమారు 90 కోట్లు ఖర్చు పెట్టనున్నారట!