ప్ర‌స్తుతం చిరంజీవి అల్లుడిని హీరోగా ప‌రిచ‌యం చేస్తూ ఓ సినిమా తీస్తోంది వారాహి సంస్థ‌. ఇప్పుడు సాయిధ‌ర‌మ్ తేజ్ త‌మ్ముడు వైష్ణ‌వ తేజ్‌నీ హీరోగా లాంచ్ చేసే ప్ర‌య‌త్నాల్లో ఉంద‌ని, ఈ చిత్రానికి అవస‌రాల శ్రీ‌నివాస్ ద‌ర్శ‌క‌త్వం వ‌హిస్తార‌ని ప్ర‌చారం జ‌రుగుతోంది. అయితే… ఇది ఒట్టి రూమ‌రేన‌ట‌. వైష్ణ‌వ తేజ్ – అవ‌స‌రాల శ్రీ‌నివాస్ కాంబోలో సినిమా చేస్తున్నామ‌న్న‌ది అవాస్త‌వ‌మ‌ని నిర్మాణ సంస్థే చెబుతోంది. మ‌రోవైపు అవ‌స‌రాల శ్రీ‌నివాస్ కూడా… `అలాంటిదేం లేదు` అని క్లారిటీ ఇచ్చేశాడు. వైష్ణ‌వతేజ్‌కి కూడా సినిమాలంటే మక్కువే. కొంత‌కాలంగా డెబ్యూ మూవీ గురించి సన్నాహాలు జ‌రుగుతున్నాయి. కొన్ని టెస్ట్ షూట్‌లు, ఫొటో షూట్‌లు కూడా జ‌రిగాయి. కొన్ని క‌థ‌లు కూడా విన్నాడు. కానీ అవేం ఫైన‌లైజ్ కాలేదు. ఏ దిల్‌రాజో ముందుకు వ‌చ్చి ఈ ప్రాజెక్ట్ టేక‌ప్ చేస్తే… మ‌రో మెగా హీరో ఎంట్రీకి ఘ‌న‌మైన ఆరంభం ల‌భించిన‌ట్టే.