ఇండియాలో క్రికెట్ అంటే జెంటిల్‌మ‌న్‌ గేమ్. సచిన్, సెహ్వాగ్, ధోని, విరాట్ కోహ్లీ తదితరులు మాత్రమే గుర్తుకు వస్తారు. సినిమాల్లోనూ హీరోలను క్రికెటర్లుగా చూపిన సందర్భాలు వున్నాయి. ఇండియాలో మగాళ్లు మాత్రమే కాదు… ఇండియాలో మహిళలు కూడా క్రికెట్ ఆడతారు. హైదరాబాదీ అమ్మాయి మిథాలీరాజ్ లేడీస్ క్రికెట్‌లో స్టార్ కూడా! సినిమాల్లో హీరోయిన్లు క్రికెట్ ఆడినా… అదేదో సరదా కింద చూపిస్తారు. సీరియస్ గేమ్ టైప్ కాదు. బట్ ఫర్ ఏ చేంజ్… విజయ్ దేవరకొండ హీరోగా నటిస్తున్న ‘డియర్ కామ్రేడ్’ సినిమాలో హీరోయిన్‌ని ప్రొఫెషనల్ క్రికెటర్‌గా చూపించనున్నారు. ‘ఛలో’ ఫేమ్ రష్మిక మండన్న ఇందులో హీరోయిన్. క్యారెక్టర్ కోసం హైదరాబాద్ క్రికెట్ అకాడమీలో ఎప్పట్నుంచో ఆమె ట్రయినింగ్ తీసుకుంటున్నారు. డైరెక్టర్ భరత్ కమ్మ క్రికెటర్ క్యారెక్టర్ గురించి చెప్పినప్పుడు రష్మిక స‌ర్‌ప్రైజ్‌ అయ్యార్ట‌. ఆమెకు బాస్కెట్‌బాల్‌ అంటే ఇష్టమట. ‘డియర్ కామ్రేడ్’ కోసం క్రికెట్ నేర్చుకుంటున్నారు. తెలుగులో ఈ సినిమా కాకుండా… నాగార్జున, నాని హీరోలుగా శ్రీరామ్ ఆదిత్య దర్శకత్వంలో రూపొందుతోన్న మల్టీస్టారర్ సినిమాలో నానీకి జోడీగా రష్మిక నటిస్తున్నారు.