ఎన్టీఆర్ బ‌యోపిక్ విష‌యంలో బాల‌య్య అభిమానుల్ని ఇంకా క‌న్‌ఫ్యూజ్ చేస్తూనే ఉన్నాడు. బ‌యోపిక్‌ని తాత్కాలికంగా ప‌క్క‌న పెట్టిన‌ట్టు కనిపించిన బాల‌కృష్ణ‌.. మరోవైపు సైలెంట్‌గా ఆ ప‌నుల్ని కొంచెం కొంచెం చ‌క్క‌బెడుతున్న‌ట్టు తెలుస్తోంది. ఈమ‌ధ్య విద్యాబాల‌న్‌ని క‌లిసి… బ‌స‌వ‌తార‌కం పాత్ర‌ని నేరేట్ చేసిన‌ట్టు తెలుస్తోంది. కొంత‌మంది న‌టీన‌టుల్ని ఎంపిక చేసి, వాళ్ల‌ని ఫోన్‌లోనే క‌థ చెప్పేశాడ‌ట బాల‌య్య‌. అయితే ద‌ర్శ‌కుడు ఎవ‌ర‌న్న‌ది మాత్రం ఆయ‌న ఇంకా స్ప‌ష్టం చేయ‌డం లేదు. బాల‌య్య మైండ్‌లో ఇంకా క్రిష్ పేరే ఉంద‌ని, మరోవైపు బాల‌య్య క్రిష్‌తోనూ సంప్ర‌దింపులు జ‌రుపుతున్నాడ‌ని, ఒక‌వేళ క్రిష్ కాదంటే…. అప్పుడు తానే రంగంలోకి దిగాల‌ని భావిస్తున్నాడ‌ని తెలుస్తోంది. ఒక‌వేళ బయోపిక్ మొద‌లెడితే గ‌నుక‌.. 2019 మార్చిలోగా విడుద‌ల చేయాల‌ని భావిస్తున్నాడ‌ట‌. ఓ వైపు వినాయ‌క్ సినిమా చేస్తూ.. మార్చిలోగా బ‌యోపిక్ పూర్తి చేయ‌డం చాలా క‌ష్టం. అంత‌గా కావాల‌నుకుంటే వినాయ‌క్ సినిమాకి మ‌ధ్య‌లోనే ఆపి.. ముందు బ‌యోపిక్ పూర్తి చేస్తాన‌ని చెబుతున్నాడ‌ట‌. అందుకే సి.క‌ల్యాణ్‌, వినాయ‌క్ లు కూడా సిద్ధంగానే ఉన్నార‌ట‌.