రవితేజ కథానాయకుడిగా శ్రీను వైట్ల దర్శకత్వంలో మైత్రీ మూవీ మేకర్స్ సంస్థ నిర్మిస్తున్న సినిమా ‘అమర్ అక్బర్ ఆంటోనీ’. సినిమా ప్రారంభం రోజున ఇందులో ఓ కథానాయికగా మలయాళీ కుట్టి అనూ ఇమ్మాన్యుయేల్‌ పేరు ప్రకటించారు. ప్రారంభోత్సవానికి ఆమె హాజరయ్యారు కూడా! అయితే… ఇప్పుడు సినిమా చిత్రీకరణకు హాజరు కావడానికి వీలు చిక్కడం లేదంటూ తప్పుకున్నారు. ప్రస్తుతం నాగచైతన్య హీరోగా మారుతి దర్శకత్వంలో రూపొందుతోన్న ‘శైలజారెడ్డి అల్లుడు’లో అనూ ఇమ్మాన్యుయేల్ నటిస్తున్నారు. ఈ సినిమా షూటింగ్ హైదరాబాద్‌లో జరుగుతోంది. ‘అమర్ అక్బర్ ఆంటోనీ’ షూటింగ్ అమెరికాలో జరుగుతోంది. 50 రోజుల పాటు అక్కడే షూటింగ్ చేస్తారు. ‘శైలజారెడ్డి అల్లుడు’ షూటింగ్ వలన ‘అమర్ అక్బర్ ఆంటోనీ’కి అనూ డేట్స్ అడ్జస్ట్ చేయలేక సినిమా నుంచి తప్పుకుంటున్నట్లు ట్వీట్ చేశారు. మైత్రీ మూవీ మేకర్స్ సంస్థ కూడా ట్విట్టర్‌లో ఇదే విషయాన్ని పేర్కొంది. అనూ స్థానంలో శృతి హాసన్‌ని ఎంపిక చేసినట్టు సమాచారం. దీనిపై మైత్రీ మూవీ మేకర్స్ సంస్థ స్పందించలేదు. ‘అమర్ అక్బర్ ఆంటోనీ’లో మొత్తం ముగ్గురు కథానాయికలకు చోటుంది. ఓ కథానాయికగా శృతి హాసన్, మరో కథానాయికగా కేథరిన్, మరో కథానాయికగా ఇలియానా నటిస్తారని టాక్.