మ‌హాన‌టి సూప‌ర్ హిట్ తో నాగ్ అశ్విన్‌కి బోలెడ‌న్ని ఆఫ‌ర్లు వ‌రుస క‌డుతున్నాయి. క‌ట్టాలి కూడా. ఏకంగా చిరంజీవి `సినిమా చేస్తా` అని మాట ఇచ్చాడు. పాతాళ భైర‌వి టైపులో నాగ్ అశ్విన్ ఓ క‌థ సిద్ధం చేస్తున్నాడ‌ని, అది పూర్తి స్థాయిలో త‌యార‌వ్వ‌డానికి క‌నీసం ఓ యేడాది ప‌డుతుంద‌ని అశ్వ‌నిద‌త్ చెప్పిన సంగ‌తి తెలిసిందే. మ‌హాన‌టి త‌ర‌వాత నాగ్ అశ్విన్ చేయ‌బోయే సినిమా అదే అవుతుంద‌ని ప్ర‌చారం జ‌రిగింది. అయితే నాగ్ అశ్విన్ ఆలోచ‌న‌లు వేరుగా ఉన్నాయి. చిరు సినిమా కంటే ముందే మ‌రో సినిమా చేయాల‌ని ఆయ‌న ఫిక్స‌య్యార్ట‌. నాగ్ అశ్విన్ ద‌గ్గ‌ర మూడు క‌థ‌లు సిద్ధంగా ఉన్నాయ‌ని, వాటిలో ఒక‌టి అతి త్వ‌ర‌లో ప‌ట్టాలెక్కిస్తార‌ని స‌మాచారం. ఓ మీడియం రేంజు హీరో ఈ సినిమాలో న‌టిస్తార‌ని, ‘ఎవ‌డే సుబ్ర‌హ్మ‌ణ్యం’ త‌ర‌హాలో ఇది కూడా కొత్త‌గా సాగే క‌థ అని తెలుస్తోంది. మూడో సినిమా అయ్యాకే… చిరంజీవి స్క్రిప్టు మొద‌లెడ‌తార‌ట‌. ‘మ‌హాన‌టి’ సినిమా, ఆ త‌ర‌వాత ప్ర‌చారంతో బిజీగా ఉన్న నాగ్ అశ్విన్‌, అశ్వ‌నీద‌త్ కుటుంబం… నెల రోజుల పాటు విశ్రాంతి తీసుకుంటుంద‌ని, ఆ త‌ర‌వాత కొత్త సినిమా మొద‌లెడ‌తార‌ని, ఈలోగా హీరో ఎవ‌రన్న‌ది తేలిపోతుంద‌ని స‌మాచారం. ఈ చిత్రాన్నీ వైజ‌యంతీ మూవీస్ సంస్థే తెర‌కెక్కించ‌బోతోంది.