ర‌విబాబు ద‌ర్శ‌కుడిగా ‘అదుగో’ అనే సినిమా అప్పుడెప్పుడో జ‌మానా క్రితం మొద‌లైంది. గ‌ప్ చుప్‌గా పూర్త‌యిపోయింది కూడా. ఓ పంది పిల్ల‌తో ర‌విబాబు సాహ‌సం చేస్తున్నాడ‌ని, రాజ‌మౌళి ‘ఈగ‌’తో సినిమా తీస్తే.. ర‌విబాబు ‘పంది’తో సినిమా చేస్తున్నాడ‌ని గొప్ప‌గా చెప్పుకున్నారు. నోట్ల ర‌ద్దు నేప‌థ్యంలో పంది పిల్ల‌తో ఏటీఎమ్ సెంటర్ ముందు క్యూలో నిల‌బ‌డి – ప‌నిలో ప‌నిగా త‌న సినిమాకి ప్రచారం క‌ల్పించుకున్నాడు ర‌విబాబు. ఆ త‌ర‌వాత ఆ సినిమా గురించి ఎలాంటి స‌మాచారం బ‌య‌ట‌కు రాలేదు. ఆ సినిమా గురించి జ‌నాలు మ‌ర్చిపోయారు కూడా. ఇప్పుడు మ‌ళ్లీ పందితో ప్రచారం మొద‌లెట్టాడు ర‌విబాబు. ఇప్పుడో చిట్టి టీజ‌ర్‌ని బ‌య‌ట‌కు వ‌దిలారు. పందికి ప‌ళ్లు తోముతూ.. ర‌విబాబు క‌నిపించాడు. పాట‌లు వ‌స్తున్నాయ్ అంటూ హింట్ ఇచ్చారు. అంత‌కు మించిన అప్ డేట్ ఏమీ లేదు. ఈ సినిమా కోసం సీజీ వ‌ర్కులు భారీగా అవ‌స‌ర‌మ‌య్యాయ‌ట‌. ఇది వ‌ర‌కు చేసిన సీజీలు స‌రిగా వ‌ర్క‌వుట్ అవ్వ‌లేదని, ఆ స్థానంలో మ‌రోసారి సీజీ వ‌ర్క్‌లు పూర్తి చేసేట‌ప్ప‌టికి టైమ్ ప‌ట్టేసిందని తెలుస్తోంది. ఇప్పుడు సినిమా పూర్తి కావొచ్చింద‌ట‌. ఫ‌స్ట్ కాపీ కూడా రెడీ అయ్యింద‌ని తెలుస్తోంది. వేస‌వి హంగామా పూర్త‌య్యాక సోలో రిలీజ్ చూసుకుని ఈ సినిమాని విడుద‌ల చేయాల‌ని ర‌విబాబు భావిస్తున్నాడు.