టాలీవుడ్‌లో ఆత్మ క‌థ‌ల జోరు సాగుతోంది. తాజాగా వైఎస్సార్ క‌థ‌ని `యాత్ర‌` పేరుతో తెర‌కెక్కిస్తున్నారు. ఆ పాత్ర‌లో మ‌మ్ముట్టి క‌నిపించ‌నున్నారు. వైఎస్సార్ పాద యాత్ర చుట్టూ తిరిగే క‌థ ఇది. ష‌ర్మిల‌, జ‌గ‌న్ పాత్ర‌ల‌కు గానూ.. న‌టీన‌టుల ఎంపిక జ‌రుగుతోంది. ఇప్పుడు ఓ కీల‌క‌మైన పాత్ర‌కు రావు ర‌మేష్‌ని తీసుకున్నారు. రావు ర‌మేష్ కెవిపీగా క‌నిపించ‌బోతున్నారు. వైఎస్సార్ స్నేహితుడిగా కెవీపీ గురించి అంద‌రికీ తెలుసు. వైఎస్సార్ ఆత్మ‌గా ఆయ‌న్ని పిలిచేవారు. వైఎస్సార్ ప్ర‌యాణంలో, జీవితంలో కెవీవీ ది కీల‌క పాత్ర‌. ఆ పాత్ర కోసం రావు ర‌మేష్‌ని తీసుకున్నారు. ప్ర‌స్తుతం హైద‌రాబాద్‌లో జ‌రుగుతున్న షూటింగ్‌లో రావు ర‌మేష్ పాలు పంచుకున్నారు. జ‌గ‌న్ పాత్ర కోసం ఓ యువ క‌థానాయ‌కుడ్ని ఎంపిక చేసే అవ‌కాశాలున్నాయి. చంద్ర‌బాబు నాయుడుగా ఎవ‌రు క‌నిపిస్తార‌న్న‌ది ఆస‌క్తిక‌రం. అయితే చంద్ర‌బాబు నాయుడు ప్ర‌స్తావ‌న ఉంటుంది త‌ప్ప‌, ఆ పాత్ర‌ని పెద్ద‌గా చూపించ‌ర‌ని, స్క్రిప్టులో చంద్ర‌బాబు నాయుడు పాత్ర‌కు అంత‌గా ప్రాధాన్యం లేద‌ని తెలుస్తోంది.