డీజే, నా పేరు సూర్య వైఫ‌ల్యాల‌తో అల్లు అర్జున్ కెరీర్ కాస్త కుదుపుకి లోనైంది. నా పేరు సూర్య రిల‌జ్ట్ అయితే మ‌రీ ఘోరం. అందుకే ద‌ర్శ‌కుల ఎంపిక విష‌యంలో `స్టార్‌` హోదానే చూసుకుంటున్నాడు బ‌న్నీ. ఇప్ప‌టికే త్రివిక్ర‌మ్‌, విక్ర‌మ్ కె.కుమార్‌, సురేంద‌ర్‌రెడ్డిల‌ను ఓకే చేసేశాడు బ‌న్నీ. త్రివిక్ర‌మ్ సినిమాల్లో ఎలాగూ ఎంట‌ర్‌టైన్మెంట్ ఉంటుంది. కానీ మిగిలిన‌వి రెండూ సీరియెస్ స‌బ్జెక్టులేన‌ట‌. `నాపేరు సూర్య – నా ఇల్లు ఇండియా` దెబ్బ‌తో సీరియ‌స్ క‌థ‌లంటే బ‌న్నీకి ఒణుకు పుడుతోంది. ‘రేసుగుర్రం’లా కంప్లీట్ ఫ్యామిలీ ఎంట‌ర్‌టైన‌ర్ కోరుకుంటున్నాడు బ‌న్నీ. అందులో భాగంగా… మారుతితో సినిమా చేయ‌డానికి బాగా ఉత్సాహం చూపిస్తున్న‌ట్టు తెలుస్తోంది. మారుతి ఇటీవ‌లే.. బ‌న్నీకి ఓ లైన్ చెప్పాడు. అది బ‌న్నీకి బాగా న‌చ్చేసింది. ‘ఈ లైన్‌ని వీలైనంత త్వ‌ర‌గా…. స్క్రిప్టు రూపంలో చూపించు’ అన్నాడ‌ట‌. దాంతో మారుతి.. ఆ ప్ర‌య‌త్నాల్లో ఉన్న‌ట్టు తెలుస్తోంది. ఓవైపు ‘శైల‌జారెడ్డి అల్లుడు’ సినిమా పనుల్లో ఉన్న మారుతి, మ‌రోవైపు బ‌న్నీకి కావల్సిన రీతిలో ఓ స్క్రిప్టు త‌యారు చేసే ప‌నిలో ఉన్నాడ‌ట‌. ఒకేవేళ మారుతి స్క్రిప్టు గ‌నుక న‌చ్చితే… దాన్ని ఎప్పుడైనా స‌రే.. ప‌ట్టాలెక్కించేయ‌డానికి బ‌న్నీ సిద్ధ‌మ‌వుతున్న‌ట్టు తెలుస్తోంది.