‘హలో’ విడుదల తర్వాత ఆల్మోస్ట్ ఐదు నెలల రెస్ట్ తీసుకున్నాడు అఖిల్. మధ్యలో చాలా కథలు విని చివరకు ‘తొలిప్రేమ’తో తొలి ప్రయత్నంలో విజయం అందుకున్న వెంకీ అట్లూరి కథకు ఓకే చెప్పాడు. ఈ నెల స్టార్టింగులో లండన్‌లో షూటింగ్ స్టార్ట్ చేశారు. రెస్ట్ లేకుండా ఫాస్ట్ ఫాస్టుగా షూటింగ్ చేస్తున్నారు. ప్రస్తుతం శేఖర్ మాస్టర్ నేతృత్వంలో పాటలను చిత్రీకరిస్తున్నారు. అఖిల్ ఎంత బాగా డాన్స్ చేస్తాడనేది తొలి సినిమా ‘అఖిల్’లో అందరూ చూశారు. అందులో ఒక పాటకు తమన్ మ్యూజిక్ అందించారు. ఇప్పుడీ సినిమాకు ఆయనే మ్యూజిక్ డైరెక్టర్. హీరో డాన్స్ స్టయిల్ కి తగ్గట్టు మంచి బీటున్న పాటలు కంపోజ్ చేయడంలో తమన్ స్పెషలిస్ట్. అఖిల్ డాన్స్, తమన్ సాంగ్.. రెండూ దృష్టిలో పెట్టుకుని శేఖర్ మాస్టర్ స్టయిలిష్ స్టెప్పులు వేస్తున్నారని సమాచారం.