మలయాళ సూపర్ స్టార్ మోహన్ లాల్ చాలా చిత్రమైన నటుడు. ఆయన చేసే సినిమాలు ఒకదానికీ మరోదానికీ పొంతన వుండదు. ఏ పాత్ర అయినా అందులో ఒదిగిపోతాడు. అందుకే మనమంతాలో మనకు మధ్యతరగతి మనిషిగా, జనతా గ్యారేజ్ లో ఓ పెద్దాయినగా, మన్యం పులిలో వీరోచిత వ్యక్తిగా ఎలా కనిపించినా జనాలు రిసీవ్ చేసుకున్నారు. ఈ మధ్య మోహన్ లాల్ బాగా వర్కవుట్లు చేసి, సన్నబడి మళ్లీ క్రేజీ క్యారెక్టర్ లు చేస్తున్నారు. వాటిల్లో ఒకటి ఇప్పుడు నిర్మాణంలో వున్న ‘డ్రామా’ సినిమా. పాపులర్ డైరక్టర్ రంజిత్ డైరక్షన్ లోతయారవుతున్న ఈ సినిమా టీజర్ రెండు రోజుల క్రితం బయటకు వచ్చింది.
ఈ సినిమాలో మోహన్ లాల్ ఇంటర్నేషనల్ స్పై కింద కనిపించబోతున్నాడు. ఈ టీజర్ చూసిన వారందిరకీ ఒకటే అనుమానం. సాహో టీజర్ ను వీళ్లు చూసారా? లేక వీళ్లు ఇద్దరు కలిసి, ఏ హాలీవుడ్ సినిమానన్నా చూసారా? అన్నదే ఆ అనుమానం. సాహో టీజర్ లో కనిపించిన సీన్, ఈ డ్రామా టీజర్ లో కూడా కనిపించడం విశేషం. డ్రామా సినిమా కూడా సాహో మాదిరిగానే హాలీవుడ్ స్టాండర్స్ లో తయారవుతున్న స్పై యాక్షన్ బ్యాక్ డ్రాప్ సినిమా. మరి ఇటు సాహోకు , ఈ సినిమాకు ఏమైనా హాలీవుడ్ సినిమా ప్రేరణ వుందా అని టీజర్ బయటకు వచ్చాక అనుమానాలు కలుగుతున్నాయి. కావాలంటే యూ ట్యూబ్ లో మోహన్ లాల్ డ్రామా టీజర్ ను ఓ లుక్కేయండి
