టాలీవుడ్ లో వారసులకు కొదవలేదు. వారసులందరికీ ఒకటే కామన్ నేమ్..బాబు లేదా చినబాబు, పెదబాబు. ఇప్పుడు మరో వారసుడు ఎంట్రీ ఇస్తున్నాడు. నిర్మాత శైలేంద్ర బాబు కొడుకు సుమంత్ శైలేంద్ర. ఈ కుర్రాడితో ఏకంగా పేరులోనే బాబు అని పెట్టి, ఓ సినిమా రెడీ చేసేసారు. కాన్సెప్ట్ లతో కథలు అల్లే దర్శకుడు మారుతి, బ్రాండింగ్ పిచ్చి వున్న కుర్రాడి కాన్సెప్ట్ తో ఓ కథ తయారుచేసి, దానికి బ్రాండ్ బాబు అని పేరుపెట్టి స్క్రిప్ట్ రెడీ చేసాడు.
నెక్ట్స్ నువ్వే సినిమాతో హీరో ఆది సాయికుమార్ కు ఫ్లాప్ సినిమా ఇచ్చిన దర్శకుడు (ఈటీవీ) ప్రభాకర్, ఇప్పుడు ఈ స్క్రిప్ట్ తో, బ్రాండ్ బాబు సినిమాను రూపొందించాడు. యధావిధిగా డబ్బులు హీరో ఫాదర్ వే. బ్యానర్ మారుతి ది. ఆయన బ్యాచ్ అయిన ఉద్దవ్ (ఎడిటింగ్), జెబి (సంగీతం) తదితరులు ఈ సినిమాకూ పని చేసారు.
లండన్ బాబులు అంటూ విజయవాడ స్వీట్ మ్యాజిక్ వారి అబ్బాయిని పరిచయం చేసిన మారుతి, ఇప్పుడు బ్రాండ్ బాబు అంటూ ఇంకో బాబును పరిచయం చేస్తున్నారు. చూడాలి, ఈ బాబు ఎలా వుంటాడో? ఈసినిమా ఎలా వుంటుందో?
