కింగ్ నాగార్జున, యువ హీరో కార్తి కలిసి నటిస్తున్న మల్టీస్టారర్ సినిమా ఊపిరి. విజయవంతమైన దర్శకుడు వంశీ పైడిపల్లి దర్శకత్వం వహిస్తున్న ఈ సినిమాను ప్రతిష్టాత్మక పివిపి బ్యానర్లో పరం వి పొట్లూరి తెలుగు తమిళ భాషల్లో నిర్మిస్తున్నారు. హాలీవుడ్ సినిమా ‘ది ఇన్ టచబుల్స్’ కు అఫిషియల్ రీమేక్ సినిమాగా వస్తున్న ఈ సినిమా మార్చ్ 25న విడుదల ముహూర్తం పెట్టారని తెలిసిందే. అయితే తాజాగా ఈ సినిమా ఆడియోను ఫిబ్రవరి 28న విడుదల చేస్తున్నట్టు ప్రకటించారు దర్శక నిర్మాతలు.
నాగార్జున, కార్తి స్నేహితులుగా నటిస్తున్న ఊపిరిలో సినిమాలో ఎక్కువ భాగం నాగ్ వీల్ చైర్ లోనే ఉంటూ అభినయాన్ని ప్రదర్శించడం జరుగుతుంది. తమన్న కథానాయికగా చేస్తున్న ఊపిరిలో అనుష్క, అడివి శేష్ లు కూడా స్క్రీన్ షేర్ చేసుకోబోతున్నారు. మలయాళ సుప్రసిద్ధ సంగీత దర్శకుడు గోపి సుందర్ ఈ సినిమాకు సంగీతాన్ని అందించడం విశేషం. లాస్ట్ ఇయర్ మళ్లీ మళ్లీ ఇది రాని రోజు, భలే భలే మగాడివోయ్ సినిమాలకు సంగీతాన్ని అందించి సినిమా విజయంలో సంగీతం కూడా ఓ ప్రధాన కారణమయ్యేలా చేసుకున్న గోపి సుందర్ ‘ఊపిరి’ సినిమాకు కూడా వీనుల విందైన సంగీతాన్ని అందిస్తున్నారట.
పరిశ్రమలో వ్యక్తులు కూడా ఈ సినిమా ఎలా ఉండబోతుందా అని ఉత్సాహాన్ని చూపుతున్నారు. కేవలం టాలీవుడ్ లోనే కాదు ఈ సినిమా కోలీవుడ్ లో కూడా సంచలనాలు క్రియేట్ చేస్తుంది. మరి విడుదలకు ముందే ఇంత హైప్ వస్తే సినిమా విడుదలయ్యాక ఎన్ని రికార్డులు సొంతం చేసుకుంటుందో చూడాలి.
