సాధారణంగా అక్క చెల్లి ఇద్దరు హీరోతో ప్రేమలో పడడం జల్సాలో ట్రయ్ చేసారు దర్శకుడు త్రివిక్రమ్. ఆ తరువాత అత్తారింటికి దారేది లో అక్కతో ప్రేమ ట్రయ్ చేసి, చెల్లితో ఫిక్స్ కావడం ట్రయ్ చేసారు. ఇప్పుడు మళ్లీ దాన్నే కాస్త అటు ఇటు చేసి అరవింద సమేత వీర రాఘవలో కూడా ప్రయోగిస్తున్నట్లు తెలుస్తోంది.
ఎన్టీఆర్ హీరోగా త్రివిక్రమ్ అందిస్తున్న అరవింద సమేత వీర రాఘవలో మెయిన్ హీరోయిన్ పూజా హెగ్డే. ఆమె కాకుండా ఈషా రెబ్బా కూడా వుంది. ఇద్దరు హీరోయిన్లు అన్నది త్రివిక్రమ్ స్టయిల్ అని అనుకున్నారంతా. అయితే అక్కడితో ఆగలేదట. ఈ సినిమాలో కూడా హీరోయిన్లు ఇద్దరూ అక్కా చెల్లెళ్లే అని తెలుస్తోంది.
ఈషా రెబ్బా అక్క కింద, పూజా హెగ్డే చెల్లెలి కింద నటిస్తున్నారు. హీరో ఎన్టీఆర్ కు ఈషా రెబ్బాతో రొమాంటిక్ ట్రాక్ కూడా వుంటుందట. ప్రారంభంలో అది వుంటుంది తరువాత మెయిన్ హీరోయిన్ మీదకు లవ్ ట్రాక్ మళ్లుతుంది అన్నమాట.
మొత్తానికి త్రివిక్రమ్ తన ఫార్ములా అయితే వదలడం లేదు.
