నిర్మాత సాయి కొర్రపాటి ఇండస్ట్రీకి పరిచయం చేసిన హీరో నాగశౌర్య. ఇప్పుడు నిలదొక్కుకుని, మూడు కోట్ల హీరో అయిపోయాడు. అందుకే ఇప్పుడు మళ్లీ మరో హీరోను పరిచయం చేసే పని పెట్టుకున్నారు సాయి కొర్రపాటి. ఏ కాంబినేషన్ లో అయితే కొత్త హీరోగా నాగశౌర్యను తీసుకువచ్చారో, అదే కాంబినేషన్ లో మరో కొత్త హీరోను తీసుకురావాలని వెదుకులాట ప్రారంభించారు.
అవసరాల శ్రీనివాస్ డైరక్షన్ లోనే సాయి కొర్రపాటి సినిమా నిర్మించి నాగశౌర్యను హీరోను చేసారు. నాగశౌర్య హిట్ లు అన్నీ ఆ బ్యానర్ లోనే. అందుకే అలాగే మరో మంచి పర్సనాలిటీ, లుక్ వున్న కుర్రాడిని వెదికి పట్టుకుని, హీరోగా ఇండస్ట్రీకి తీసుకురావాలని ఇప్పుడు ప్రయత్నిస్తున్నారు. దీనికి కూడా అవసరాల శ్రీనివాస్ నే డైరక్టర్ గా వ్యవహారిస్తారు.
వాస్తవానికి ఇండస్ట్రీకి ఇప్పుడు హీరోలు, డైరక్టర్ల కొరత చాలా వుంది. అందువల్ల మరో మంచి నిలదొక్కుకునే అవకాశం వున్న హీరో వస్తే చాన్స్ లు చాలా వుంటాయి.
