వెంక‌టేష్‌, నాగ‌చైత‌న్య క‌థానాయ‌కులుగా ఓ సినిమా చేస్తున్న సంగ‌తి తెలిసిందే. దీనికి ‘వెంకీ మామా’ అనే పేరు పెట్టారు. బాబి ద‌ర్శ‌క‌త్వం వ‌హిస్తున్న ఈ చిత్రం ఈరోజు ఉద‌యం 9.30 ని.ల‌కు రామానాయుడు స్టూడియోలో లాంఛ‌నంగా మొద‌లైంది. ఇందులో ర‌కుల్ ప్రీత్ సింగ్ క‌థానాయిక‌గా న‌టిస్తోంది. ‘రారండోయ్ వేడుక చూద్దాం’.. త‌ర‌వాత చై – ర‌కుల్ క‌ల‌సి న‌టించ‌డం ఇదే తొలిసారి. వెంకీ స‌ర‌స‌న క‌థానాయిక ఎవ‌ర‌న్న‌ది తేలాలి. అక్టోబ‌రు చివ‌రి వారంలో రెగ్యుల‌ర్‌షూటింగ్ మొద‌ల‌వుతుంది. ప్ర‌స్తుతం వెంకీ – వ‌రుణ్‌ల సినిమా షూటింగ్ జ‌రుగుతోంది. అది పూర్త‌యిన వెంట‌నే.. ‘వెంకీ మామ‌’ షూటింగ్ మొద‌ల‌వుతుంది. ఈలోగా నాగ‌చైత‌న్య చేతిలో ఉన్న ‘స‌వ్య‌సాచి’, ‘శైల‌జా రెడ్డి అల్లుడు’ సినిమాలు కూడా ఓ కొలిక్కి వ‌స్తాయి.