ఓ వారం రోజులుగా ఒక వార్త విపరీతంగా చక్కర్లు కొడుతోంది…. ‘కుమారి 21ఎఫ్’తో తెలుగు ప్రేక్షకుల్లో క్రేజ్ తెచ్చుకున్న హెబ్బా పటేల్ ‘బిగ్‌బాస్‌2’లో సందడి చేయనుందని! బిగ్‌బాస్‌ ఫస్ట్ సీజన్‌లో నవదీప్, దీక్షా పంత్ వైల్డ్ కార్డ్ ఎంట్రీలుగా హౌస్‌లో అడుగుపెట్టారు. అదే టైపులో హెబ్బా పటేల్‌ను సెకండ్ సీజన్‌లో హౌస్‌లోకి పంపిస్తారని వార్తలొచ్చాయి. అయితే… ఇటువంటి పుకార్లు ఎక్కడినుంచి పుట్టుకొస్తాయో తెలియడం లేదని హెబ్బా పటేల్ విస్మయం వ్యక్తం చేస్తోంది. ‘నాట్ పార్ట్ ఆఫ్ ఎనీ షోస్. ‘బిగ్‌బాస్‌2’లో నేను పార్టిసిపేట్ చేయడం లేదు” అని క్లారిటీ ఇచ్చింది. గతేడాది ‘మిస్టర్’, ‘అంధగాడు’, ‘ఏంజెల్’… మూడు సినిమాల్లో హెబ్బా నటించింది. మూడూ ఆమెకు నిరాశ మిగిల్చాయి. ప్రస్తుతం హెబ్బా పటేల్ చేతిలో ’24 కిస్సెస్’ సినిమా ఒక్కటే వుంది. దానిపైనే ఆశలు పెట్టుకుంది. ఆ సినిమా తనకు మంచి పేరు తెస్తుందని ధీమా వ్యక్తం చేస్తోంది.