పీకేలో అమీర్‌ఖాన్‌ని గ్ర‌హాంత‌ర వాసిగాచూశాం. ఈ త‌ర‌హా క‌థ‌లు హాలీవుడ్‌లో ఎక్కువ‌గా క‌నిపిస్తుంటాయి. టాలీవుడ్‌లో ఇలాంటి ప్ర‌య‌త్నం, ప్ర‌యోగం ఇప్ప‌టి వ‌ర‌కూ జ‌ర‌గ‌లేదు. తొలిసారి శ్రీ‌విష్ణు అలాంటి పాత్ర‌లో క‌నిపించ‌బోతున్నాడు. శ్రీ‌విష్ణు, నారా రోహిత్‌, సుధీర్‌బాబు ప్ర‌ధాన పాత్ర‌ల‌తో తెర‌కెక్కుతున్న చిత్రం ‘వీర‌భోగ వ‌సంత‌రాయులు’. ఇందులో శ్రీ‌విష్ఱు గ్ర‌హాంత‌ర వాసిగా క‌నిపించ‌బోతున్నాడు. ఇదో సోషియో ఫాంట‌సీ, సైంటిఫిక్ సినిమా. శ్రీ‌విష్ణు కేశాలంక‌ర‌ణ‌, గెట‌ప్‌, వ‌స్త్రాలు… ఇవ‌న్నీ చిత్ర విచిత్రంగాఉండ‌బోతున్నాయి. పాపం పెరిగిపోయిన‌ప్పుడు.. దాన్ని ప‌రిహ‌రించ‌డానికి దేవుడు ఓ అవతారం ఎత్తుతాడు అని పురాణాల్లో చ‌దువుకున్నాం. ఆ పాయింట్‌ని నేప‌థ్యంగా తీసుకుని ఈ క‌థ‌ని రాసుకున్నాడు ద‌ర్శ‌కుడు ఇంద్ర‌సేన‌. `తెలుగులో ఇలాంటి సినిమా ఇంత వ‌ర‌కూ రాలేదు` అని నారా రోహిత్‌, శ్రీ‌విష్ణు బ‌ల్ల‌గుద్ది చెప్ప‌డానికి కార‌ణం ఇదే. మ‌రి ఎలాంటి ఫ‌లితం ద‌క్కుతుందో చూడాలి.