ఎన్టీఆర్ బ‌యోపిక్‌లో శ‌ర్వానంద్ న‌టించ‌బోతున్న‌ట్టు వార్త‌లొచ్చాయి. శ‌ర్వా కూడా `న‌న్ను సంప్ర‌దించిన మాట నిజ‌మే` అని ఓ సంద‌ర్భంలో చెప్పాడు కూడా. యుక్త వ‌య‌సులో ఉన్న ఎన్టీఆర్ గా శ‌ర్వా క‌నిపిస్తాడ‌ని చెప్పుకున్నారు. అయితే… ఈ ప్రాజెక్టులో శ‌ర్వా లేడ‌ని విశ్వ‌స‌నీయ వ‌ర్గాలు చెబుతున్నాయి. శ‌ర్వా ద‌గ్గ‌ర‌కు ఆఫ‌ర్ వెళ్లిన సంగ‌తి నిజ‌మేన‌ని, శ‌ర్వా కూడా `చేస్తా` అని మాట ఇచ్చాడ‌ని, అయితే ఏమైందో ఏమో… ఇప్పుడు శ‌ర్వా ఈ ఆఫ‌ర్‌ని సున్నితంగా తిర‌స్క‌రించాడ‌ని చెబుతున్నారు. శ‌ర్వా `నో` చెప్ప‌డానికి కార‌ణాలు మాత్రం తెలియ‌డం లేదు. శ‌ర్వా వ‌ద్ద‌నుకోవ‌డం వ‌ల్లే… మోక్ష‌జ్ఞ ఈ ప్రాజెక్టులోకి అడుగుపెట్టాడ‌ని, యుక్త వ‌య‌సు ఎన్టీఆర్‌గా మోక్షూ క‌నిపించే ఛాన్సులే ఎక్కువ‌ని తెలుస్తోంది. ప్ర‌స్తుతం మోక్ష‌జ్ఞ చాలా బొద్దుగా ఉన్నాడు. ఈ పాత్ర మోక్షూ చేయాలంటే.. బాగా స‌న్న‌బ‌డాలి. మోక్ష‌జ్ఞ కూడా ప్ర‌స్తుతం ఆ ప్ర‌య‌త్నాల్లోనే ఉన్నాడ‌ని స‌మాచారం. ఒక‌వేళ షూటింగ్ స‌మ‌యానికి మోక్ష‌జ్ఞ రెడీ అవ్వ‌క‌పోతే.. ఆ స్థానంలో మ‌రో యువ హీరో క‌నిపిస్తార‌ని తెలుస్తోంది.