‘ఆర్ఎక్స్‌ 100’… ‘ఆర్ఎక్స్‌ 100’… యమహా కంపెనీ బండి బీటింగ్ ఏ రేంజ్‌లో వుంటుందో… ఈ సినిమా సక్సెస్ సౌండ్ కూడా అదే రేంజ్‌లో వుంది. ‘అర్జున్‌రెడ్డి’ తరవాత ఆ స్థాయిలో సక్సెస్ సాధించిన సినిమా ఇది. ‘అర్జున్‌రెడ్డి’ టైమ్‌లో హీరో విజయ్ దేవరకొండ బోల్డ్‌గా మాట్లాడి ఆడియన్స్‌ని అట్ట్రాక్ట్ చేశాడు. దాంతో డైరెక్టర్ సందీప్‌రెడ్డి వంగా కంటే హీరోకి ఎక్కువ పేరు వచ్చింది. ‘ఆర్ఎక్స్‌ 100’కి డైరెక్టర్ అజయ్ భూపతికి ఎక్కువ పేరు వచ్చింది. గురువు రామ్‌గోపాల్ వ‌ర్మ‌ తరహాలో శిష్యుడు అజయ్ భూపతి సెన్సేషనల్ కామెంట్స్ చేస్తున్నాడని చాలామంది కామెంట్ చేశారు. అయితే… ఇతను వర్మ శిష్యుడు మాత్రమే కాదు, ప్ర‌భాస్‌కి బంధువు కూడా. మొన్నీమధ్య “ప్ర‌భాస్‌కి, అజ‌య్ భూప‌తికి ఏమైనా రిలేషన్ వుందా? అని ట్విట్ట‌ర్‌లో వర్మ ఒక పోస్ట్ పెట్టి ప్రేక్షకుల్లో ఆసక్తి పెంచారు. తాజా ఇంటర్వ్యూలో అజయ్ భూపతి తనకు ప్రభాస్‌కి వున్న చుట్టరికాన్ని బయటపెట్టారు. “మా కజిన్ వైఫ్‌ ప్రభాస్ గారికి బంధువులు. అలా నాకు ఆయనకు బంధుత్వం కలిసింది. మాది చాలా దూరపు చుట్టరికం. అయితే.. నేను ఇప్పటివరకూ ఆయన్ను కలవలేదు. త్వరలో కలుస్తానని నమ్ముతున్నా” అని అజయ్ భూపతి పేర్కొన్నారు.