సూపర్ స్టార్ మహేష్ అంటే సౌత్ లో ఎంత క్రేజ్ అనేది అందరికి తెలిసిన విషయమే.. అయితే అలాంటి సూపర్ స్టార్ కొన్ని సార్లు ప్రయోగాలకు దూరంగా ఉంటాడు. కెరియర్ మొదట్లో ప్రయోగాల కోసం పరుగులు తీసినా అవి బోల్తా కొట్టడంతో ఈ ప్రయోగాలకు ఓ దండం రా.. బాబోయ్ అనేశాడు. అయితే 2004లో మహేష్ ఎస్.జె సూర్యతో నాని అనే ప్రయోగం చేశాడు. అసలు సినిమా జనాలకు ఎక్కకుపోగా ప్రేక్షకులంతా మహేష్ ఏంటి ఇలా చేశాడు అనేశారు. ఇక అందుకే ఆ సినిమా నుండి ప్రయోగాలకు ఫుల్ స్టాప్ పెట్టేశాడు మన ప్రిన్స్.
ఆ తర్వాత సంవత్సరమే మురుగదాస్ సూర్యతో గజిని సినిమా ప్రయోగం చేసి సూపర్ సక్సెస్ కొట్టాడు. అయితే ఇటీవల బయటపడ్డ అసలు విషయం ఏంటంటే సూర్య నటించిన గజిని సినిమా ముందు మహేష్ దగ్గరకే వచ్చిందట. కాని ముందు సంవత్సరమే నాని చేసి దెబ్బ పడేసరికి మహేష్ సారీ అని చెప్పేశాడట. అదే సినిమాతో సూర్య తనలోని విలక్షణతను చూపించి అటు తమిళ్ లోనే కాదు తెలుగులో కూడా మంచి మార్కెట్ ని సంపాధించాడు.
ఇప్పుడు మళ్లీ సూర్య నటిస్తున్న 24 సినిమా కూడా విక్రం కుమార్ ముందు మహేష్ కే కథ చెప్పాడట. అయితే ఆ సినిమాను తను చేస్తే ప్రేక్షకులు కనెక్ట్ అవుతారో లేదో అని వద్దన్నాడట. కాని సూర్య 24 సినిమా గురించి వదులుతున్న పోస్టర్స్ చూస్తుంటే సినిమా సూపర్ హిట్ గ్యారెంటీ అనిపిస్తుంది. మరి మహేష్ ఇలా వచ్చిన అవకాశాలను మిస్ చేసుకుంటే ఎలా అంటూ బాధపడుతున్నారు అభిమానులు. అంతేకాదు మహేష్ వదులుకున్నాడు సూర్య చేస్తున్నాడు కాబట్టి 24 సినిమా రికార్డులు సృష్టించడం ఖాయం అనేస్తున్నారు సిని జనాలు.
