ప్రముఖ తమిళ నటుడు కమల్ హాసన్ కూడా నిన్న ట్వీటర్ లో ప్రవేశించారు. గణతంత్రదినోత్సవ సందర్భంగా ఆయన ట్వీటర్ లో ప్రవేశిస్తూ “నేటికీ భారత్ స్వాతంత్ర సమరానికి అదే ప్రత్యేకత కలిగి ఉంది. ఆ ప్రత్యేకతను మనమందరం గౌరవించడం, అంతర్జాతీయ స్థాయికి ఎదగడమే మన బాధ్యత,” అని ట్వీట్ చేసారు. ఆయన ట్వీటర్ లో చేరిన గంటలోగానే ఆయనకు 8,000 మంది ఫాలోయర్స్ ఏర్పడ్డారు. రెండు గంటల వ్యవధిలోనే ఆ సంఖ్య రెట్టింపు అయ్యింది. ఆయన కుమార్తె శ్రుతీ హాస్సన్ ఆయనకు అభినందనలు తెలియజేస్తూ “ట్వీటర్ లో మీ ప్రవేశం చాలా సంతోషకరం. నేను అత్యంత అభిమానించే వ్యక్తి కమల్ హాసన్ కి ట్వీటర్ లోకి స్వాగతం. లవ్ యూ పప్పా,” అని ట్వీట్ చేసారు. ఆమెతో సహా చాలా మంది ఆయన ట్వీటర్ లో ప్రవేశించడాన్ని స్వాగతిస్తూ మెసేజులు పెట్టారు. కమల్ హాస్సన్ ట్వీట్ హ్యాండిల్ : @iKamalhaasan.