కుటుంబ కథా చిత్రాలను తీస్తూ తనకంటూ ఓ ప్రత్యేక గుర్తింపును తెచ్చుకున్న దర్శకుడు దశరథ్. సంతోషం సినిమాతో అపజయాలతో కొట్టుమిట్టాడుతున్న నాగార్జునను విజయబాటలో నడిపించిన దర్శకుడిగా పేరు సంపాదించాడు. ఎప్పుడో మిస్టర్ పర్ఫెక్ట్ అని యంగ్ రెబల్ స్టార్ ప్రభాస్ తో పర్ఫెక్ట్ హిట్ కొట్టిన దశరథ్. మధ్యలో నాగ్ హీరోగా గ్రీకువీరుడు సినిమా తీసినా లాభం లేకుండా పోయింది.

గ్రీకువీరుడు ఫ్లాప్ తో కొన్నాళ్లు గ్యాప్ ఇచ్చి మనోజ్ శౌర్య సినిమాతో ప్రేక్షకుల ముందుకు వచ్చేందుకు రెడీ అయ్యాడు దర్శకుడు దశరథ్. మంచు మనోజ్, రెజినా జంటగా నటిస్తున్న ఈ సినిమా ఓ థ్ర్ల్లింగ్ లవ్ స్టోరీ అంటూ మొదటినుండి ప్రచారం చేసుకుంటూ వస్తున్నారు. అంతేకాదు ప్రేమ గురించి ఇందులో ఓ స్పెషల్ కోర్స్ ఇచ్చేలా ఉన్నాడు దశరథ్. ఇప్పటికే పోస్టర్ లో ప్రేమ అనేది ఎవడికి వాడికే సెపరేట్ క్వశ్చన్ పేపర్ లాంటిది అంటూ ట్రెండ్ క్రియేట్ చేస్తున్నాడు. వేద సంగీతం అందించిన ఈ సినిమా ఆడియోను ఈ నెల 31న విడుదల చేసేందుకు సన్నాహాలు చేస్తున్నారు.

మల్కపురం శివకుమార్ నిర్మిస్తున్న ఈ సినిమాలో మంచు మనోజ్ ఓ డీసెంట్ రోల్ ప్లే చేస్తున్నాడు. పోటుగాడు తర్వాత సరైన హిట్ కోసం ఎదురుచూస్తూ కసితో చేసిన సినిమా ఇది. మరి మనోజ్ ఈ సినిమాతో ఎలాంటి హిట్ కొడతాడో చూడాలంటే సినిమా వచ్చేదాకా వెయిట్ చేయాల్సిందే.