తూర్పు గోదావరి జిల్లాలో పవన్‌ కళ్యాణ్‌ సభలకు యువత హాజరు స్పందన కూడా చాలా ఉధృతంగా వున్నాయి. ఇలాటి ఐచ్చిక స్పందన చూసి చాలా రోజులైంది. కమ్యూనిస్టులను పక్కనపెడితే మిగిలిన పార్టీలన్నీ ముఖ్యంగా పెద్ద పార్టీలు భారీగా డబ్బు ఖర్చు చేస్తే తప్ప జనసమీకరణ సాధ్యపడటం లేదు. టిడిపి ప్రభుత్వమో పార్టీనో తెలియకుండా ధర్మపోరాటం వంటివి చేసినప్డ్పుడు కూడా సమీకరణ స్పందన పరిమితంగానే వుంటున్నాయి.చేతులెత్తండి, చప్పట్లు కొట్టండి అని ముఖ్యమంత్రి చంద్రబాబు నాయుడు, ప్రతిపక్ష నేత జగన్‌ తమ సభల్లో కోరినా వారు ఆశించినంత వుండటం లేదు. ఈ విషయంలో పవన్‌సభలు మాత్రం జనంతో కిక్కిరిసి పోవడమే గాక యువత కేకలు మోగిపోతున్నాయి.ఆయన ప్రత్యర్థులపై దాడి చేసినప్పుడు ఏదైనా సవాలు విసిరినప్పుడు మరీ ఎక్కువగా వుంటున్నది. వాస్తవాలు ఒప్పుకునేవారెవరైనా ఈ తేడా చూడక తప్పదు.

అంత జనం వస్తే నాయకుడు కూడా వూగిపోవడం తథ్యం. మామూలుగానే ఆవేశపడేపవన్‌ ఈ పరిస్థితుల్లో కొని చోట్ల మరింత ఆగ్రహావేశాలతో మాట్టాడుతున్నారు. తునికి రైలు యాత్రగా వెళ్లింది మొదలు ఈ జోష్‌ మరింత పెరిగినట్టు కనిపిస్తుంది. ఆయన వివిధ తరగతుల ప్రజలతో చర్చలు జరుపుతున్నారు. అక్కడ చాలా జాగ్రత్తగా శ్రద్ధగా వింటుంటారు. బహిరంగ సభల్లో మాత్రం వీరావేశంతో మాట్లాడ్తుఉన్నారు. పోలవరం ప్రాజెక్టు పరిసరాల్లో భూమి పగుళ్లు బారడం, అక్రమ మైనింగ్‌ బయిటపడటం, తన కారుకు మట్టి అడ్డుపోయడం వంటివి బాగా ఆగ్రహం తెప్పించినట్టుంది. ఆ వూపు లో ఒరేరు అని తాట తీస్తానని హెచ్చరించారు. ఇంకా ఒకటి రెండు మాటలు వాడివుండొచ్చు. ఏమైనా అవనీ తప్పు చేసిన వారిని తనను అడ్డుకున్న వారిని తప్ప పెద్ద నాయకులనేమీ అన్నది లేదు. తాటతీయడం వంటి పదాలు శాసనసభలోనే ఇరుపక్షాలు వాడుతున్నారు. జగన్‌పై దాడి తర్వాత ఎలాటి బూతులు తిట్టుకున్నారో కూడా అంతా చూవారు. అలాటప్పుడు పవన్‌ ఒక్కరే మహాపరాథం చేసినట్టు బూతులు మాట్టాడినట్లు నీతులు చెప్పడం హాస్యాస్పదం. తాను అప్రజాస్వామికంగా మాట్లాడబోనని ఆయనే ముందుగా చెప్పారు. ఆవేశంలో మాట తీవ్రమైతే సర్దుకుంటారు. అయినా అక్రమ మైనింగ్‌ చేసేవారిని లేదా గుండాగిరీ చేసేవారిని అంటే ఎవరైనా ఎందుకు నొచ్చుకోవాలి? ఒక్కసారి శాసనసభ రికార్డులు సీనియర్ల సభా ప్రసంగాలు చూస్తే తెలుస్తుంది ఆయన మాట్లాడింది ఏ మూలకు రాదని.