హీరోగా అడివి శేష్ స్థాయిని పెంచిన సినిమా ‘గూఢచారి’. హాలీవుడ్ సినిమాల స్ఫూర్తితో ఈ సినిమా తీశారని వచ్చిన విమర్శలను పక్కన పెడితే… శేష్‌కి పేరుతో నిర్మాతలకు లాభాలు తీసుకొచ్చింది. తక్కువ బ‌డ్జెట్‌లో అంత క్వాలిటీ సినిమా తీయడం గొప్పని సినీ ప్రముఖులు ప్రశంసించారు. ఈ సినిమా ఇచ్చిన ఉత్సాహంతో సీక్వెల్ తీయడానికి అడివి శేష్ సిద్ధమయ్యాడు. ‘గూఢచారి’లో క్లైమాక్స్‌లో సీక్వెల్ వుంటుందని హింట్ ఇచ్చారు. సినిమా హిట్ కావడంతో శేష్ తన బృందంతో కలిసి కథ సిద్ధం చేసే పనిలో వున్నాడు. ‘గూఢచారి’కి శేషే స్టోరీ రైటర్. శశికిరణ్ తిక్కా దర్శకత్వం వహించారు. సీక్వెల్‌కి రాహుల్ పాకాల దర్శకత్వం వహిస్తాడని సమాచారం. ఇతను శశికిరణ్ స్నేహితుడే. ‘గూఢచారి’ రైటింగ్‌లో వర్క్ చేశాడు. స్నేహితుడి కోసం సీక్వెల్ స్క్రిప్ట్ డిస్కషన్స్‌లో శశికిరణ్ పాల్గొంటున్నాడట. ‘గూఢచారి’ సీక్వెల్‌లో ప్రకాష్ రాజ్, సుప్రియ పాత్రలు కంటిన్యూ అవుతాయట. తొలి భాగంలో వీరిద్దరూ కనిపించిన సత్య, నదియా ఖురేషి పాత్రలు అద్భుత స్పందన లభించింది.