పులివెందుల నుంచి ఇచ్చాపురం వరకూ జగన్మోహన్ రెడ్డి పాదయాత్ర చేస్తున్నారు. చివరి దశకు వచ్చింది. మరో ఆరు రోజుల్లో ఐపో వచ్చింది. ఈ పాదయాత్ర స్ఫూర్తిని ప్రజల్లోకి తీసుకెళ్లి.. వీలైనంతగా… ప్రయోజనం పొందడానికి వైసీపీ ప్లాన్లు రెడీ చేసింది. చివరి వారం రోజులు ఈ కార్యక్రమాలు నిర్వహిస్తోంది. ఎవరైనా ఇందులో ఏమీ చెప్పుకుంటారు..? జగన్మోహన్ రెడ్డి త్యాగం, ధైర్యం… ఎట్సెట్రా చెప్పుకుంటారు. ఈ కానీ ఈ వారం రోజుల ప్రోగ్రామ్‌లో పాదయాత్ర సంగతి పైపైన చెప్పి.. మిగతా మొత్తం చంద్రబాబు భజన చేయబోతున్నారు. పాజిటివో.. నెగటివో… ఒకటి… జగన్ ప్రసంగాల్లో మాట కంటే ముందు చంద్రబాబు పేరు వచ్చినట్లుగా.. ఈ వారం రోజుల ప్రత్యేక కార్యక్రమాలన్నీ చంద్రబాబు చుట్టూ తిరగబోతున్నాయి.
వైఎస్ఆర్ కాంగ్రెస్ పార్టీ.. వారం రోజుల పాటు పార్టీ నేతలకు చేయాలని నిర్వహించిన పనుల జాబితాలో… ఉన్న ఓ కార్యక్రమం.. ఏమిటంటే.. “నిన్ను నమ్మం బాబూ…” అనే పెద్ద హోర్డింగ్‌ను తప్పనిసరిగా ప్రతి నియోజకవర్గంలో ఎత్తయిన ప్రాంతంలో ఏర్పాటు చేయాలట. కనీసం 500 మంది గ్రామస్థులతో సమావేశాలు నిర్వహిచి హాజరైన వారితో “నిన్ను నమ్మం బాబూ” కార్యక్రమానికి మద్దతుగా పార్టీ నెంబర్‌కు మిస్డ్‌ కాల్స్‌ ఇప్పించాలట. ఇలా.. అన్ని కార్యక్రమాలు చంద్రబాబుతోనే ముడి పడి ఉన్నాయి. ఒక్క కార్యక్రమం కూడా.. జగన్ గొప్పగా చెప్పుకునే నవరత్నాలు కూడా… ఇతర అంశాల ప్రస్తావన కూడా లేదు.
ఇప్పటికి.. చాలా స్లోగన్స్ … జగన్ కు మద్దతుగా.. వైసీపీ ప్రచారంలోకి తెచ్చింది. అందులో జగన్ రావాలి.. జగన్ కావాలి కూడా ఉంది. అవన్నీ… యావరేజ్‌గా మిగిలిపోయాయి. ఫేస్ బుక్ పోస్టులకు తప్ప దేనికి పనికి లాలేదు. అందుకే ఇప్పుడు వ్యూహం మార్చారనే అభిప్రాయం కలుగుతోంది. చంద్రబాబుకు నెగెటివ్ ప్రచారం చేస్తే.. అటోమేటిక్‌గా అది తమకు ప్రయోజనం కలుగుతుందనే భావనలో ఉన్నట్లు ఉన్నారు. అందుకే.. చంద్రబాబుకే ప్రచారం చేయాలని నిర్ణయించుకున్నారు. రాజకీయాల్లో… ఏదైనా ప్రచారమే ముఖ్యం. అది పాజిటివ్వా.. నెగిటివ్వా.. అనేది కాదు. ప్రజల్లో ముద్ర పడిందంటే.. అది ప్లస్సే అవుతుంది. ఈ విషయంలో జగనే ఉదాహరణ. అయినా.. మరి ఎందుకు.. చంద్రబాబుకే వైసీపీ ప్రచారం చేయాలనుకుంటుందో మరి..!?
