అల్లు అర్జున్ – త్రివిక్రమ్ కాంబినేష‌న్‌లో ఓ సినిమా తెర‌కెక్కనున్న సంగ‌తి తెలిసిందే. గీతా ఆర్ట్స్‌..హారిక హాసిని క్రియేష‌న్స్ సంయుక్తంగా నిర్మిస్తున్నాయి. ఇందులో క‌థానాయిక‌గా కైరా అద్వాణీని ఎంచుకున్న‌ట్టు ప్ర‌చారం జ‌రుగుతోంది. భ‌ర‌త్ అనే నేను, విన‌య విధేయ రామా.. త‌ర‌వాత కైరా చేస్తున్న సినిమా ఇదే. అయితే.. వీటిపై కైరా స్పందించింది. బ‌న్నీ – త్రివిక్రమ్ సినిమాలో మీరు న‌టిస్తున్నారా? అని అడిగితే… ”అది టాప్ సీక్రెట్. నేనిప్పుడే ఏమీ చెప్ప‌ను. ద‌ర్శ‌క నిర్మాత‌లు మాట్లాడేంత వ‌ర‌కూ నేనేమీ మాట్లాడ‌ను” అంటోంది. కైరా స్పీడుని చూస్తే… క‌చ్చితంగా ఈ సినిమాలో త‌నే క‌థానాయిక అనిపిస్తోంది. కాక‌పోతే ఇంకా ఈ ఆఫ‌ర్ చ‌ర్చ‌ల ద‌శ‌లోనేఉన్న‌ట్టుంది. అందుకే కైరా బ‌య‌ట‌ప‌డ‌డం లేదు.
ప్ర‌స్తుతం బాలీవుడ్‌లో తెర‌కెక్కుతున్న అర్జున్ రెడ్డి రీమేక్‌లో కైరానే క‌థానాయిక. తెలుగులో ఈ సినిమా త‌ను చాలాసార్లు చూసింది. ఆ సినిమా చూసి విజ‌య్ దేవ‌ర‌కొండ‌కు పెద్ద ఫ్యాన్ అయిపోయింద‌ట. ”విజ‌య్ ఇంటెన్సిటీ నాకు బాగా న‌చ్చింది. అర్జున్ రెడ్డితో నేను త‌నకు పెద్ద అభిమాని అయిపోయాను” అంటోంది కైరా.
