రామ్ – పూరి జ‌గ‌న్నాథ్ కాంబినేష‌న్‌లో ఓ సినిమా మొద‌ల‌వుతోంది. దీనికి `ఇస్మార్ట్ శంక‌ర్‌` అనే పేరు కూడా పెట్టేశారు. ఈ నెల‌లోనే షూటింగ్ మొద‌లెట్టి…. మేలో విడుద‌ల చేయాల‌న్న‌ది పూరి ఆలోచ‌న‌. సంగీత ద‌ర్శ‌కుడిగా మ‌ణిశ‌ర్మ‌ని ఎంచుకున్న‌ట్టు స‌మాచారం. అస‌లు సంగ‌తేంటంటే.. ఇది విజ‌య్ దేవ‌ర‌కొండ చేయాల్సిన సినిమా అట‌. ఈమ‌ధ్య పూరి – విజ‌య్ దేవ‌ర‌కొండ క‌ల‌సి ఓ సినిమా చేస్తార‌ని ప్ర‌చారం జ‌రిగింది. ఈ క‌థ‌.. విజ‌య్‌కి వినిపించాడు కూడా. అయితే.. విజ‌య్ ప్ర‌స్తుతం ఫుల్ బిజీగా ఉన్నాడు. క‌థ న‌చ్చినా సినిమా పూర్తి చేయ‌లేని ప‌రిస్థితి. పూరి అంత కాలం ఆగే టైపు కాదు. ఏదైనా అనుకున్నాడంటే చ‌క చ‌క చేసుకుంటూ వెళ్లిపోవ‌డ‌మే. అందుకే ఈ సినిమాని రామ్‌తో సెట్స్‌పైకి తీసుకెళ్తున్నాడు. ఈ సినిమా మిస్ అయినా.. భ‌విష్య‌త్తులో త‌ప్ప‌కుండా పూరి – విజ‌య్ క‌ల‌సి ప‌నిచేసే అకాశాలున్నాయి. `ఇస్మార్ట్ శంక‌ర్‌`లో ఇద్ద‌రు క‌థానాయిక‌లు ఉండే ఛాన్సుంది. వాళ్ల వివ‌రాల్ని చిత్ర‌బృందం త్వ‌ర‌లో ప్ర‌క‌టిస్తుంది.