‘ఎప్ 2’తో బాక్సాఫీసుని షేక్ చేసేశాడు అనిల్ రావిపూడి. ఈ సంక్రాంతి విజేత‌గా నిలిచిన సినిమా ఇది. ‘ఎప్ 3’ తీస్తామ‌ని.. ఎఫ్ 2 చివ‌ర్లో హింట్ ఇచ్చారు. అందుకు వీలైన క‌థే ఇది. ఎఫ్ 2 సూప‌ర్ హిట్ట‌య్యింది కాబ‌ట్టి… ఎఫ్ 3 త‌ప్ప‌కుండా ఉంటుంది. ఈ సినిమాలో మ‌రో క‌థానాయ‌కుడికీ ఛాన్స్ ఉంది. ఈ ఇద్ద‌రు తోడ‌ళ్లుళ్ల‌కు మూడో వాడు  తోడ‌వుతాడ‌న్న‌మాట‌. ఆ హీరో ఎవ‌ర‌న్న‌ది ప్ర‌స్తుతం ఆస‌క్తిగా మారింది.  ఎఫ్ 3 ఇప్ప‌టికిప్పుడు తీయ‌క‌పోయినా… మ‌రో యేడాది త‌ర‌వాతైనా ఈ సినిమా ఉండొచ్చు. మూడో హీరో విష‌యంలో ఇప్ప‌టికే అనిల్ రావిపూడి ఓ క్లారిటీతో ఉన్న‌ట్టు స‌మాచారం. ఆ ఛాన్స్ ర‌వితేజ లేదంటే నాని… ఇద్ద‌రిలో ఒక‌రికి ద‌క్కే అవ‌కాశాలున్నాయ‌ని తెలుస్తోంది. ర‌వితేజ‌తో `రాజా ది గ్రేట్‌` రూపొందించాడు అనిల్‌. ఆ సినిమా కూడా బాగా ఆడింది. కామెడీ పండించ‌డంలో ర‌వితేజ స్టైల్ తెలియంది కాదు. `ఎఫ్ 3`లో ర‌వితేజ ఉండే అవ‌కాశాలు పుష్క‌లంగా ఉన్నాయ‌న్న‌ది ఇన్‌సైడ్ వ‌ర్గాల టాక్‌. మ‌రోవైపు నానివైపు కూడా అనిల్ మొగ్గు చూపుతున్న‌ట్టు తెలుస్తోంది. నాని కామెడీ టైమింగ్ అద్భుతంగా ఉంటుంది. ఎఫ్ 2 క‌థ అనుకుంటున్న‌ప్పుడు అనిల్ రావి పూడి మ‌దిలో మెదిలిన హీరోల్లో నాని ఒక‌డు. సో… ర‌వితేజ‌గానీ, నాని గానీ ఈ సీక్వెల్ లో పాలు పంచుకునే అకాశాలు పుష్క‌లంగా ఉన్నాయి. మ‌రి ఇద్ద‌రిలో ఎవ‌రికి టిక్ పెడ‌తాడ‌న్న‌ది అనిల్ చేతుల్లోనే ఉంది.