అదృష్టానికి ఆధార్‌ కార్డ్‌ ఎలా వుంటుందంటే ప్రియా ప్రకాశ్‌ వారియన్‌కు వచ్చిన పాపులారిటీని చూపిస్తే సరిపోతుందేమో! ఏదో మలయాళంలో ఒక్కసారి కన్ను గీటింది. అంతే… ప్రపంచం మొత్తం ఆమెకు దాసోహం అనేసింది. ఏ సినిమాలోనిదీ వీడియో క్లిప్‌ అనేది కూడా తెలియకుండా వాట్సాప్‌, ట్వట్టిర్‌, ఫేస్‌బుక్‌ తదితర సామాజిక మాధ్యమాల్లో ఆమె క్లిప్‌ షేర్‌ చేసినవారు ఎందరో! ‘ఒరు అడార్‌ లవ్‌’లోని ఓ పాటలో చిన్న క్లిప్‌తో ఫేమస్‌ అయిన ప్రియా ప్రకాశ్‌ వారియర్‌కి ఆ సినిమా విడుదలకు ముందే ఇతర భాషల్లో నటించే అవకాశాలు వెల్లవెత్తాయి. పలువురు తెలుగు హీరోలు, దర్శక నిర్మాతలు ప్రియా ప్రకాశ్‌ వారియర్‌తో సినిమా చేయాలని ప్రయత్నించారు. ఒకానొక సమయంలో అల్లు అర్జున్‌ సరసన ఆమె నటిస్తుందని ప్రచారం జరిగింది. ‘ఒరు అడార్‌ లవ్‌’ తెలుగు అనువాదం ‘లవర్స్ డే’ ప్రచారం కోసం ఈ రోజు హైదరాబాద్ వచ్చిన ప్రియా ప్రకాశ్‌ వారియన్‌ను ఆ ప్రచారం నిజమా? కాదా? అని అడిగితే… నిజమేనని చెప్పింది. ‘‘అల్లు అర్జున్‌ సరసన నటించే అవకాశం వచ్చింది. అప్పటికి ‘ఒరు అడార్‌ లవ్‌’ చిత్రీకరణ పూర్తి కాలేదు. దాంతో ఆ సినిమా చేయలేకపోయా. మా సినిమా ప్రీ రిలీజ్ వేడుకకు ఆయన వస్తుండటం సంతోషంగా ఉంది. చిత్రబృందమంతా ఆయన్ని కలవడం కోసం ఆత్రుతగా ఎదురుచూస్తోంది’’ అని ప్రియా ప్రకాశ్‌ వారియర్‌ చెప్పింది. అల్లు అర్జున్‌, అల్లు అయాన్‌ ‘వింక్‌ మూమెంట్‌’ చూశానని, ఆయన తన గురించి చాలా పోస్టులు పెట్టారని సంతోషం వ్యక్తం చేసింది. బుధవారం ‘ లవర్స్ డే ‘ ప్రీ రిలీజ్ జరగనుంది. ప్రేమికుల రోజు కానుకగా ఫిబ్రవరి 14న సినిమాను విడుదల చేస్తున్నారు.
అల్లు అర్జున్‌తో నటించే ఛాన్స్‌ వచ్చినా…
