విక్టరీ వెంకటేష్ ఇప్పటికి 73 మూడు సినిమాలు పూర్తి చేసారు. వెంకీమామ 74వ సినిమాగా చేస్తున్నారు. ఆ తరువాత తివిక్రమ్ డైరక్షన్ లో 75వ సినిమా చేయబోతున్నారు. ఈ సినిమాను ఓ మెమర బుల్ సినిమా చేయాలని ఇప్పటి నుంచే ఆలోచనలు సాగుతున్నాయి.
స్టోరీ ఫరంగానే కాకుండా, మేకింగ్ పరంగా కూడా ఓ రేంజ్ లో వుండాలని అనుకుంటున్నారు. ప్రస్తుతం బన్నీ సినిమా వ్యవహారాల్లో బిజీగా వున్నారు దర్శకుడు త్రివిక్రమ్. కనీసం మరో ఏడాది టైమ్ పడుతుంది వెంకీ సినిమాకు. అయితే అప్పుడు అయినా తీసే సినిమా ఓ రేంజ్ లో వుండాలని, వీలయితే మల్టీస్టారర్ లా వుండాలని త్రివిక్రమ్ భావిస్తున్నట్లు వినికిడి.
అప్పటి పరిస్థితిని బట్టి వెంకీని మరో హీరోను జోడించి, మాంచి భారీ ఎంటర్ టైనర్ గా చేయాలని అనుకున్నట్లు బోగట్టా. వాస్తవానికి గతంలో వెంకీతో సినిమా అనుకున్నపుడే ఇవన్నీ ప్లాన్ చేసారు. కానీ సినిమా లేట్ కావడంతో వెంకీ ఈలోగా అదే స్టయిల్ లో ఎఫ్ 2 చేసి హిట్ కొట్టేసారు. అందుకే 75వ సినిమా అంతకు మించిన క్రేజ్ ముందుగానే సంతరించుకోవాలన్నది త్రివిక్రమ్ ప్లాన్.
ఇదిలా వుంటే వెంకీతో 2021 సంక్రాంతికి ఎఫ్ 3 అందిస్తా అంటున్నారు. మరి త్రివిక్రమ్ సినిమా అంతకన్నా ముందే 2020 సమ్మర్ కు వుంటుందేమో?
