మాఫియా డాన్ దావూద్ ఇబ్రహీం నేరచరిత్ర ఆధారంగా హిందీలో సినిమాలు వచ్చాయి. అయితే.. దావూద్ మీద వచ్చిన సినిమాల్లో అర్జున్ రాంపాల్, రిషి కపూర్, ఇర్ఫాన్ ఖాన్ నటించిన ‘డి-డే’ ప్రత్యేకంగా వుంటుంది. పాకిస్థాన్ లో తల దాచుకున్న దావూద్‌ను ఒకవేళ ఇండియ‌న్‌ ఇంటిలిజెన్స్ ఏజెన్సీ ‘రా’ సభ్యులు పట్టుకుని ఇండియాకు తీసుకువస్తే ఎలా వుంటుందనే ఊహాజనిత కథతో ‘డి-డే’ రూపొందింది. గోపీచంద్ హీరోగా నటిస్తున్న తాజా సినిమా ఈ ‘డి-డే’లా వుంటుందని వినికిడి.
అనిల్ సుంకర నిర్మాణంలో తమిళ దర్శకుడు తిరుతో గోపీచంద్ ఓ స్పై యాక్షన్ థ్రిల్లర్ చేస్తున్న సంగతి తెలిసిందే. ఇందులో గోపీచంద్ ‘రా’ ఏజెంట్ గా నటిస్తున్నాడు. దావూద్‌ను పట్టుకోవడానికి ప్రయత్నించే ‘రా’ టీమ్‌లో కీలక సభ్యుడిగా గోపీచంద్ కనిపిస్తారని సమాచారం. ఈ టీమ్ దావూద్‌ను పట్టుకుని ఇండియా తీసుకొస్తుందో లేదో ఇంకా తెలియలేదు. ప్రస్తుతం పాకిస్థాన్ – రాజస్థాన్ సరిహద్దుల్లో సినిమా షూటింగ్ చేస్తున్నారు. ఇందులో గోపీచంద్ సరసన తమన్నాను ఎంపిక చేశార్ట.
